பரிஸ் : கத்திக்குத்து தாக்குதலில் இருவர் காயம்... ஒருவர் கவலைக்கிடம்...!

நேற்று செவ்வாய்க்கிழமை இரவு பரிஸ் 1 ஆம் வட்டாரத்தில் இடம்பெற்ற இரண்டு கத்திக்குத்து தாக்குதல்களில் இருவர் காயமடைந்துள்ளனர். அவர்களில் ஒருவர் படுகாயமடைந்து உயிருக்காபத்தான நிலையில் மருத்துவமனையில் அனுமதிக்கப்பட்டுள்ளார். 

ஒருசில நிமிடங்கள் இடைவெளியில் அடுத்தடுத்து இரண்டு தாக்குதல்கள் இடம்பெற்றுள்ளன.

முதலாவது சம்பவம் Châtelet-les-Halles  பகுதியில் இடம்பெற்றுள்ளது. 33 மற்றும் 34 வயதுடைய இருவர் படுகாயமடைந்து மருத்துவமனையில் அனுமதிக்கப்பட்டுளனர். சம்பவம் தொடர்பில் மேலும் தெரியவருவதாவது, ‘ rue Saint-Denis’ வீதியில் உள்ள Café Oz விடுதியின் முன்பாக , வாடிக்கையாளர் ஒருவரை இருவர் தாக்கியுள்ளனர்.

பின்னர் அங்கிருந்து சில மீற்றர் தூரத்தில், rue des Lombards வீதியில் வைத்து மற்றொருவரைத் தாக்கியுள்ளனர்.அவருக்கு மூன்று வெட்டுக்காயங்கள் ஏற்பட்டிருந்தன. 

சம்பவம் தொடர்பில் விசாரணைகள் ஆரம்பிக்கப்பட்டுள்ளன.