Google Meet அசத்தல் அப்டேட்! இனி அழைப்பை துண்டிக்காமல் சாதனங்களை மாற்றுவது எளிமை

கூகுள் மீட் பயன்படுத்துபவர்களுக்கு இனி பல்வேறு வேலைகளை ஒரே நேரத்தில் செய்வது மிகவும் சுலபமாக இருக்கும். பிரபலமான இந்த வீடியோ கான்ஃபரன்சிங் தளம், "மாற்றுதல் ("Switch Here") என்ற புதிய அம்சத்தை அறிமுகப்படுத்தியுள்ளது.

இது, தொடர்ந்து கொண்டிருக்கும் அழைப்பின் போது, ஒரு கருவியிலிருந்து இன்னொரு கருவிக்கு தடையின்றி மாற அனுமதிக்கிறது. இதன் மூலம், ஒரு கருவியில் அழைப்பை முடித்துவிட்டு, இன்னொரு கருவியில் மீண்டும் இணைவது போன்ற சிரமங்கள் தவிர்க்கப்பட்டு, தொடர்ச்சியான மற்றும் இடையூறு இல்லாத அனுபவத்தை உறுதி செய்கிறது.

கூகுள் Workspace சந்தா உறுப்பினர்கள் மற்றும் தனிப்பட்ட கூகுள் கணக்கு வைத்திருப்பவர்கள் இருவருக்கும் கிடைக்கும் "இங்கு மாற்று" அம்சம், கருவிகளுக்கு இடையே வசதியாக மாறுவதற்கான வழியை வழங்குகிறது.

 நீங்கள் ஏற்கனவே உங்கள் ஸ்மார்ட் போனைப் பயன்படுத்தி அழைப்பில் இருந்தால், உங்கள் லேப்டாப்பில் மீட்டிங் லிங்கை திறந்து, "இணைந்து கொள்"(Join Now) என்பதற்குப் பதிலாக தோன்றும் "இங்கு மாற்று"(Switch Here) பொத்தானைக் கிளிக் செய்தால் போதும்.

 இது, உரையாடலில் எந்தவித தடைபாடும் இல்லாமல், அழைப்பை உங்கள் லேப்டாப்புக்கு தடையின்றி மாற்றுகிறது.

அது மட்டும் இல்லை! "இங்கு மாற்று" அம்சம், ஒரே நேரத்தில் இரண்டு கருவிகளில் இருந்து அழைப்பில் சேரவும் அனுமதிக்கிறது.

உங்கள் ஃபோனில் அழைப்பு இயக்கப்பட்டிருக்கும் போதே, லேப்டாப்பில் இருந்து உங்கள் திரையைப் பகிர வேண்டிய சூழ்நிலைகளில் இது பயனுள்ளதாக இருக்கும்.

 இதைச் செய்ய, இரண்டு கருவிகளிலும் மீட்டிங் லிங்கை திறந்து, "பிற இணைப்பு விருப்பங்கள்"(Other joining options) என்பதன் கீழ் "இங்கும் இணை"(Join here too) என்பதைத் தேர்ந்தெடுக்கவும்.

"இங்கு மாற்று"("Switch Here")  அம்சத்தை அறிமுகப்படுத்துவதன் மூலம், பயனர் நட்பு மற்றும் தகவமைப்பு திறன் கொண்ட வீடியோ கான்பரன்சிங் அனுபவத்தை வழங்குவதற்கான கூகுள் மீட்டின் ஈடுபாட்டை இது பிரதிபலிக்கிறது.

 தொலைதூரத்தில் வேலை செய்பவர்கள் அல்லது பயணத்தின்போது அழைப்புகளில் பங்கேற்பவர்களுக்கு இந்த அம்சம் குறிப்பாக பயனுள்ளதாக இருக்கும்.

 தடையற்ற கருவி மாற்றம் மற்றும் பல கருவி பங்கேற்பு ஆகியவற்றை வழங்குவதன் மூலம், கூகுள் மீட், பயனர்கள் தங்கள் அழைப்புகளை மேலும் நெகிழ்வுத்திறன் மற்றும் கட்டுப்பாட்டுடன் நிர்வகிக்க அதிகாரம் அளிக்கிறது.

எனவே, அடுத்த முறை நீங்கள் கூகுள் மீட் அழைப்பில் இருக்கும்போது கருவிகளை மாற்ற வேண்டியிருக்கும் போது, "Switch Here" பொத்தானைத் தேடுங்கள்.