மொன்பர்னாஸ் - பெரும் போக்குவரத்துத் தடை!!

மொன்பர்னாஸ் தொடருந்து நிலையத்தில் (Gare Montparnasse) பெரும் போக்குவரத்து நெருக்கடி ஏற்பட்டுள்ளது.

பிரான்சின் தென்மேற்குப் பகுதிகளிற்கான தொடருந்துகள் பெரிதும் பாதிப்பிற்கு உள்ளாகி உள்ளன.
 
மொன்பர்னாசிற்கு வரும் மற்றும் மொன்பர்னாசிலிருந்து புறப்படும் தொடருந்துகளிற்கு 30 நிமிடத்திலிருந்து 5 மணித்தியாலங்கள் வரையான தாமதம் ஏற்படுகின்றது.

மசி பலெசோ (Massy-Palaiseau - Essonne) அருகில் ஏற்பட்டுள்ள மின் பழுதின் காரணமாக இந்தத் தாமதங்களும் இடையூறுகளும் எற்பட்டுள்ளதாக SNCF அறிவித்துள்ளது.

திருத்த வேலைகள் ஆரம்பமாகியிருந்தாலும் இன்றிரவு வரை பெரும் தாமதம் ஏற்படும் எனவும் எதிர்வுகூறப்பட்டுள்ளது.