உன் நினைவுடனே

கனவுகள் கலைந்திட்ட தேசத்தில்
உன் நினைவுகளோடு நான் மட்டும்!
இனம் புரியா சில புதிர்கள்
என் சிரசுள் சிந்தனையை வளர்க்க.

உன்னைத்தேடும் என் விழிகள்
உறக்கமின்றி விழித்தபடி!
தினசரி ஏமாந்து போகின்றன.

என் நாளாந்த வாழ்வில்- இது
நடமாடும் கனவாகிப்போச்சு.
மௌனிக்கும் என் இதயம்
மரணிக்குமே தவிர
உன்னை மறக்காது .

என் நிலையற்ற வாழ்வில்
நிலையான உன் நினைவை
சிலையாக செதுக்க எண்ணுகின்றேன்.

நீள் மலையாகத்தொடரும்
உன் மௌனம் ..........!
என்னை மரணிக்க செய்யுதடி.
மறுபடி நான் பிறந்தாலும்
உன் நினைவுடனே.............