இந்தியப் பெருங்கடலில் 815 கிலோ ஹெரோயின் பறிமுதல் செய்த பிரெஞ்சு கடற்படை!!

Marine nationale இந்தியப் பெருங்கடலில் 815 கிலோ ஹெராயின் பறிமுதல் செய்தது. இந்த பறிமுதல் நடவடிக்கை கடந்த மே 15 அன்று நடைபெற்றது; இது வெள்ளிக்கிழமை அதிகாரப்பூர்வமாக அறிவிக்கப்பட்டது. “தெற்கு இந்தியப் பெருங்கடல் கடல் மண்டலத்தில் ஒரு மாதத்திற்குள் நடைபெற்ற நான்காவது போதைப்பொருள் பறிமுதல் இதுவாகும்,” என்று Préfecture de La Réunion தனது அறிக்கையில் தெரிவித்துள்ளது.

“2026 மே 15 அன்று, Marine nationale கப்பல் ஒன்றை கண்டறிந்து அதை தடுத்து நிறுத்தியது. கப்பலில் ஏறிச் சோதனை செய்த குழு 815 கிலோ ஹெராயின் மற்றும் அதனுடன் தொடர்புடைய பொருட்களை பறிமுதல் செய்தது,” என்று இந்தியப் பெருங்கடல் தீவான La Réunion நிர்வாகம் வெளியிட்ட அறிக்கையில் கூறப்பட்டுள்ளது.

மொத்தமாக 4.4 டன்களுக்கு மேற்பட்ட பலவிதமான போதைப்பொருட்கள் பறிமுதல் செய்யப்பட்டுள்ளன,” என்று நிர்வாகம் தெரிவித்துள்ளது. இவற்றில் பெரும்பாலானவை மெத்தாம்பெட்டமின் மற்றும் ஹெராயின் ஆகும்.

2025ஆம் ஆண்டில், Marine nationale தனது வரலாற்றிலேயே அதிகமான போதைப்பொருள் பறிமுதலை மேற்கொண்டுள்ளது. ஆண்டு அறிக்கையின் படி, மொத்தம் 87 டன் போதைப்பொருட்கள் தடுக்கப்பட்டுள்ளன.

அதில்:

• 56 டன் கோகெயின்
• 26 டன் கஞ்சா
• 4 டன் மெத்தாம்பெட்டமின்
• 300 கிலோ ஹெராயின்

பறிமுதல் செய்யப்பட்டுள்ளன. இந்தப் பறிமுதல் நடவடிக்கைகளில் பெரும்பாலானவை Antilles-Guyane பகுதியில் (38%) நடைபெற்றுள்ளன; அதன் பின் இந்தியப் பெருங்கடல் பகுதி 31% பறிமுதல்களைக் கொண்டுள்ளது.