அறிமுகம் செய்யப்படும் முன்பே, கடலுக்குள் கண்டெடுக்கப்பட்ட Google Pixel Watch 5

இன்னும் பொதுவெளியில் அறிமுகம் செய்யப்படாத Google Pixel Watch 5 கடலுக்கு அடியில் கண்டெடுக்கப்பட்ட சம்பவம் அதிர்ச்சியை ஏற்படுத்தியுள்ளது.

கூகுள் தனது புதிய Pixel Watch 5-ஐ ஆகஸ்ட் மாதத்தில் Pixel 11 போன்களுடன் வெளியிடத் திட்டமிட்டுள்ளது. ஆனால், அதற்கு முன்பே இந்த ஸ்மார்ட் வாட்ச் உலகிற்கு ஒரு அதிர்ச்சி தரும் வகையில் வெளிப்பட்டுள்ளது.

இது லீக்கான தகவல் அல்ல. உண்மையில், கரீபியன் கடலில் உள்ள St. Martin தீவின் அருகே நீர்மூழ்கி ஆராய்ச்சி செய்த ஒரு scuba diver, கடலுக்கு அடியில் Pixel Watch 5 கிடந்ததை கண்டுபிடித்துள்ளார்.

இந்த வாட்ச், இன்னும் அதிகாரப்பூர்வமாக வெளியிடப்படாத நிலையில், உலகிற்கு அதன் வடிவமைப்பு முதன்முறையாக வெளியாகியுள்ளது. அதன் புகைப்படங்களை Randy Pitchford (@DuvalMagic) என்ற X பயனர் பகிர்ந்துள்ளார்.

வாட்சின் பேட்டரி முழுமையாக காலியாக இருந்ததால், அதன் முழு செயல்பாடுகளை ஆராய முடியவில்லை. ஆனால், சிறிதளவு மின்சாரம் இருந்ததால், சரியான நேரத்தை காட்டியதாக தகவல்கள் தெரிவிக்கின்றன.

Pixel Watch 4 போன்ற வடிவமைப்புடன் இருந்தாலும், Pixel Watch 5-இல் சில புதிய அம்சங்கள் இருக்கும் என எதிர்பார்க்கப்படுகிறது. Google, இதனை health tracking, AI integration, battery efficiency போன்ற அப்டேட்களுடன் வெளியிடும் என தொழில்நுட்ப வட்டாரங்கள் கூறுகின்றன.

இந்த கண்டுபிடிப்பு, தொழில்நுட்ப உலகில் பெரும் ஆர்வத்தை ஏற்படுத்தியுள்ளது. இன்னும் பயன்பாட்டிற்கு வெளியிடப்படாத கேட்ஜெட் கடலுக்கு அடியில் கண்டுபிடிக்கப்பட்டது என்பது மிகவும் அபூர்வமான சம்பவமாகும்.