அனுமதி இல்லாமல் திறக்கப்பட்ட ஒரு உணவகத்துக்கும் நகராட்சிக்கும் மோதல்!!

Saint‑Ouen நகரில், Master Poulet என்ற விரைவு உணவக சங்கிலி மற்றும் நகரின் PS நகர முதல்வர் கரீம் புவாம்ரானே (Karim Bouamrane)  இடையே கடுமையான மோதல் உருவாகியுள்ளது. நகராட்சி, இந்த உணவக சங்கிலி «அரோக்யமற்ற உணவு»  ஊக்குவிப்பதாகவும், மேலும் «முன் அனுமதி இல்லாமல்» தன்னை நிறுவிக் கொண்டதாகவும் குற்றம் சாட்டுகிறது.

தொடர்ந்து அதிகரிக்கும் பதற்றம்

Master Poulet ஏப்ரல் 11 அன்று Saint‑Ouen‑இல் திறக்கப்பட்டதிலிருந்து, நகராட்சியுடன் சட்ட மற்றும் ஊடக மோதல் தொடங்கியுள்ளது. திறந்த மூன்று நாட்களுக்குள், நகராட்சி உணவகத்தை மூடிவிட்டது. நகரம் «திடமாக மறுத்திருந்த» நிலையில், உணவகம் «முன் அனுமதி இல்லாமல்» நிறுவப்பட்டதாக குற்றச்சாட்டு அறிவுறுத்தப்பட்டுள்ளது.

இதற்குப் பதிலாக, நகராட்சி உணவக நுழைவாயிலை மறைக்க பெரிய கற்கள் மற்றும் கட்டைகள் வைத்து அடைத்து விட்டது. பின்னர், உணவக சங்கிலி Montreuil நீதிமன்றத்தை அணுகி, இது «மிகவும் தீவிரமான செயல்» எனக் கண்டித்தது.

நீதிமன்றம் நகராட்சியை கல் கட்டைகளை அகற்ற உத்தரவிட்டது. ஆனால் அதே நேரத்தில், உணவகத்திற்கு வெளிப்புற உணவுப்பகுதியை (terrasse) பயன்படுத்தும் உரிமை இல்லை என்றும் தெளிவுபடுத்தியது.

உணவக சங்கிலியின் பதில்

ஒரு அறிக்கையில், Master Poulet தெரிவித்தது:

அவர்களின் செயல்பாடு «நகராட்சியின் முன் அனுமதி பெற வேண்டிய வகை அல்ல» என்றும்  மேலும், மூன்று நாட்களில் 14 கண்காணிப்புகள் நடத்தப்பட்டதாகவும் அவர்கள் கண்டித்தனர்.

இதற்கு X  தளத்தில் நகர முதல்வர் பதிலளித்தார்:

அவர், இந்த உணவகம் «இந்தப் பகுதி மக்களின் வாழ்க்கைத் தரத்தை பாதிக்கிறது» என்று குற்றம் சாட்டினார். குறிப்பாக:

இரவு நேரத்தில் நடைபெறும் உணவு விநியோகம்

சத்தம்

துர்நாற்றம்

இவை அனைத்தும் குடியிருப்பாளர்களை பாதிக்கின்றன என்று அவர் கூறினார்.

மேலும், «எல்லோரும் சிறு வயதிலிருந்தே தரமான உணவை அணுக முடியும் என்பதையே நான் விரும்புகிறேன்» என்றும் தெரிவித்தார்.

LFI அரசியல் 

France Insoumise (LFI) கட்சியின் சிலத் தேர்ந்தெடுக்கப்பட்டவர்கள் விவாதத்தில் இணைந்தனர். Seine‑Saint‑Denis LFI நாடாளுமன்ற உறுப்பினர் எரிக் கோக்கரெல், சனிக்கிழமை உணவகத்துக்கு சென்று ஆதரவு தெரிவித்தார். நகரபிதாவிற்கு எதிராக அரசியல் செய்துள்ளனர்.

இந்த வெள்ளிக்கிழமை (ஏப்ரல் 24), நகர முதல்வர்  உணவகத்தைச் சுற்றி மிகப்பெரிய மலர்தொட்டிகளை வைக்க உத்தரவிட்டார்.

இதற்கு பதிலாக, Master Poulet தனது முன்புறத்தில் பதாகைகளை தொங்கவிட்டது. அதில் 
«நாங்கள் திறந்திருப்போம் — கரீமுக்கு பிடிக்காவிட்டாலும்…» என எழுதியுள்ளமை தொடர்ந்து பதற்றத்தை அதிகரித்துள்ளது.