அவதானம்! எரிபொருள் நிரப்பு நிலையங்களில் மோசடி!

«தவறாக தொங்கவிட்ட எரிபொருள் நிரப்பான்கள்»(Pistolet mal raccroché) என அழைக்கப்படும் புதிய ஏமாற்று நடைமுறை மீண்டும் அதிகரித்து வருகிறது. சில எரிபொருள் நிலையங்களில், மோசடிக்காரர்கள் மகிழுந்து ஓட்டுநர்களை அணுகி, பணமாக பணம் கொடுத்து எரிபொருள் வாங்கித் தருமாறு கேட்டு, பின்னர் பரிவர்த்தனையைத் திசைதிருப்பி தாங்களே தொடர்ந்து எரிபொருள் நிரப்பிக் கொள்கிறார்கள்.

எரிபொருள் நிலையங்களில் நடைபெறும் மோசடிகள் அதிகரித்து வரும் நிலையில், இந்த «பிஸ்டல் தவறாக தொங்கவைத்தல்» ஏமாற்று நடைமுறை மீண்டும் பேசுபொருளாகியுள்ளது. இது பெரும்பாலும் பணியாளர் இல்லாத நிலையங்களில் நடைபெறுகிறது, அங்கு கட்டணம் நேரடியாக இயந்திரத்தில் செலுத்தப்படுகிறது.

மோசடிக்காரரின் நடைமுறை

மோசடிக்காரர், எரிபொருள் நிரப்பப் போகும் ஓட்டுநரை அணுகி, தன்னிடம் வங்கி அட்டை இல்லை, எரிபொருள் முடிந்துவிட்டது என்று கூறி, உடனடியாக பணமாகத் திருப்பித் தருவதாக நம்பிக்கை அளிக்கிறார்.

முதலில், ஓட்டுநருக்கு சந்தேகிக்க வேண்டிய தேவை ஏற்படுவதில்லை. மோசடிக்காரர் ஒப்பந்தமான தொகையை மட்டுமே நிரப்புகிறார். ஆனால் உண்மையான மோசடி அதற்குப் பிறகு தொடங்குகிறது. மோசடிக்காரர் பிஸ்டலை (எரிபொருள் நிரப்பான்கள்)  சரியாக தொங்கவைத்தது போல நடிக்கிறார். ஆனால் அது ஏமாற்று மோசடி நோக்கத்துடன் தவறாக தொங்கவைக்கப்படுகின்றது. இதனால் பரிவர்த்தனை முழுமையாக முடிவடையாமல் தடுக்கப்படுகிறது.

ஓட்டுநர் இடத்தை விட்டு சென்றவுடன், மோசடிக்காரர் அதே பரிவர்த்தனையைப் பயன்படுத்தி தொடர்ந்து எரிபொருள் நிரப்பிக் கொள்ள முடியும்.

சமீபத்தில், Vendée யில் உள்ள Challans நகரில், ஒரு Hyper U நிலைய மேலாளர், பிஸ்டல் தாங்கியில் கருகிய அலுமினியம் காகிதம் நுழைக்கப்பட்டிருந்ததை கண்டுபிடித்தார் — இது பரிவர்த்தனையை நிறுத்தும் அமைப்பை முடக்குவதற்காக சொருகப்பட்டிருந்தது.

நஷ்டம் வேகமாக அதிகரிக்கலாம்

ஒரு மேலாளர் Ouest‑France‑க்கு கூறியதாவது:

«ஒரு வாடிக்கையாளர் பிஸ்டலை சரியாக தொங்கவைக்க முடியவில்லை. கருகிய அலுமினியம் காகிதம் பரிவர்த்தனையை நிறுத்தும் அமைப்பைத் தடுத்திருந்தது. அட்டை மூலம் செலுத்தும்போது அதிகபட்ச வரம்பு 150 யூரோ. நீங்கள் 60 யூரோ மட்டுமே நிரப்பினால், பிஸ்டல் தவறாக தொங்கவைக்கப்பட்டிருந்தால், அடுத்த நபர் 90 யூரோ மதிப்பிலான எரிபொருளை நிரப்பிக் கொள்ள முடியும்.»

சில மோசடிக்காரர்கள், மீதமுள்ள அனுமதிக்கப்பட்ட தொகையைப் பயன்படுத்த மேலதிகமாக நிரப்ப சிறு நிரப்பு கான்ளையும் (jerricanes)  கொண்டு வந்து நிரப்புவதாகவும் தெரிவிக்கப்பட்டுள்ளது.

எப்படி தவிர்ப்பது?

«பிஸ்டலை தொங்கவைத்த சில விநாடிகளுக்குப் பிறகு, உங்கள் பயன்பாடு மற்றும் கட்டணத்தை காட்டும் செய்தி திரையில் தோன்றும். அந்த செய்தி தெரியவில்லை என்றால், பிஸ்டல் சரியாக தொங்கவைக்கப்பட்டுள்ளதா என்று சரிபார்க்கவும்.»