அர்ஜுன் டெண்டுல்கர், சானியா ஜோடியின் மெஹந்தி-சங்கீத்

மும்பையில் அர்ஜுன் டெண்டுல்கர் மற்றும் சானியா சந்தோக்கின் திருமணத்திற்கு முந்தைய கொண்டாட்டத்தில் பல பிரபலங்கள் கலந்துகொண்டனர்.

பிரபல கிரிக்கெட் வீரர் சச்சின் டெண்டுல்கரின் மகன் அர்ஜுன் டெண்டுல்கர் - சானியா சாந்தோக்கிற்கு மார்ச் 5ஆம் திகதி (நாளை) திருமணம் நடைபெற உள்ளது.

இதற்கு முன்பாக மும்பையின் ராயல் வெஸ்டர்ன் இந்தியா டர்ஃப் கிளப்பில், அர்ஜுன் டெண்டுல்கர் மற்றும் சானியா சந்தோக்கின் மெஹந்தி-சங்கீத் கொண்டாட்டங்கள் நடைபெற்றன.

இதில் இந்திய கிரிக்கெட்டின் முன்னணி நட்சத்திரங்களான யுவராஜ் சிங், இர்பான் பதான், ஹர்பஜன் சிங் மற்றும் ஜாகீர் கான் உள்ளிட்டோர் கலந்து கொண்டனர்.  

டெண்டுல்கரின் குடும்பத்தினர் அற்புதமான பாரம்பரிய உடைகளில் இந்நிகழ்விற்கு வந்தது கவனத்தை ஈர்த்தது. அர்ஜுன் டெண்டுல்கர் அதிநவீன பழுப்பு நிற பந்த்கலா செட்டைத் தேர்ந்தெடுத்திருந்தார்.

அதேபோல் மணப்பெண் சானியா மென்மையான இளஞ்சிவப்பு நிற அலங்காரங்களுடன் கூடிய வெளிர் கோட்டா-பட்டி லெஹங்காவில் தோன்றினார்.

தற்போது அர்ஜுன் - சானியா ஜோடியின் மெஹந்தி-சங்கீத் நிகழ்வு வீடியோ இணையத்தை ஆக்கிரமித்துள்ளது.