மத்திய கிழக்கில் பிரஞ்சு குடிமக்களுக்கான பாதுகாப்பு வழிகாட்டுதல்கள்!!

பிரான்ஸ் வெளியுறவு அமைச்சகம் மத்திய கிழக்கு பகுதியில் நிலவும் பதற்றநிலையைத் தொடர்ந்து தனது பாதுகாப்பு அறிவுறுத்தல்களை புதுப்பித்துள்ளது. அமெரிக்கா மற்றும் இஸ்ரேல் இணைந்து ஈரான் மீது மேற்கொண்ட தாக்குதல்களுக்கும், தெஹ்ரானின் பதிலடி நடவடிக்கைகளுக்கும் பின்னர், ஈரான் மற்றும் இஸ்ரேலில் உள்ள பிரெஞ்சு குடிமக்கள் மிகுந்த எச்சரிக்கையுடன் இருக்குமாறு அறிவுறுத்தப்பட்டுள்ளனர். 

ஈரானில் உள்ளவர்கள் வீட்டில் தங்கியிருந்து, அவசியமான சூழலில் மட்டுமே வெளியே செல்லவும், உணவு மற்றும் தண்ணீர் கையிருப்பில் வைத்திருக்கவும் கூறப்பட்டுள்ளது. இஸ்ரேலில் அவசரநிலை அறிவிக்கப்பட்டுள்ளதால், அங்குள்ளவர்கள் பாதுகாப்பு தங்குமிடங்களுக்கு அருகில் இருந்து அதிகாரிகளின் வழிமுறைகளைப் பின்பற்ற வேண்டும் என தெரிவிக்கப்பட்டுள்ளது.

மேலும் ஐக்கிய அரபு எமிரேட்ஸில் ஏவுகணை அபாயம் இருப்பதாக எச்சரிக்கப்பட்டுள்ளது; அங்கு உள்ளவர்கள் வீட்டிலேயே இருந்து அதிகாரப்பூர்வ அறிவுறுத்தல்களை கவனிக்க வேண்டும். Qatar செல்ல வேண்டாம் எனவும், ஏற்கனவே அங்கு உள்ளவர்கள் உள்ளூர் அதிகாரிகளின் வழிகாட்டுதல்களை கண்டிப்பாக பின்பற்ற வேண்டும் எனவும் பிரான்ஸ் பரிந்துரைக்கிறது. வான்வழிப் போக்குவரத்து பாதிக்கப்படக்கூடும் என்பதால், பிரெஞ்சு குடிமக்கள் “Ariane” தளத்தில் பதிவு செய்யுமாறும் வலியுறுத்தப்பட்டுள்ளது.