இந்தியாவில் புதிய Moto Watch-ஐ அறிமுகம் செய்யும் மோட்டோரோலா

மோட்டோரோலா, இந்திய சந்தையில் புதிய Moto Watch-ஐ அறிமுகப்படுத்தியுள்ளது.

Polar நிறுவனத்தின் ஆரோக்கிய கண்காணிப்பு தொழில்நுட்பத்துடன் வந்துள்ள இந்த ஸ்மார்ட் வாட்ச், பாரம்பரிய வட்ட வடிவமைப்புடன், நீண்ட பேட்டரி ஆயுள் மற்றும் ஸ்டைலான தோற்றத்தை வழங்குகிறது. 
1.4-இஞ்ச் OLED வட்ட திரை, Corning Gorilla Glass 3 பாதுகாப்புடன் வருகிறது. அலுமினிய கேஸ், IP68 & 1ATM நீர்ப்புகா சான்றிதழ் கொண்டது.
ஆரோக்கிய அம்சங்கள்

   தொடர்ச்சியான இதய துடிப்பு கண்காணிப்பு
   SpO2 (ஆக்சிஜன் அளவு) டிராக்கிங்
   Polar Nightly Recharge மூலம் தூக்க ஆய்வு
   தானியங்கி உடற்பயிற்சி கண்காணிப்பு
   Dual-band GPS (L1+L5) மூலம் outdoor running, சைக்கிள் பயணங்கள் துல்லியமாக பதிவு 
இந்த ஸ்மார்ட் வாட்ச் ஒரு சார்ஜில் 13 நாட்கள் வரை இயங்கும். Always-on display பயன்படுத்தினால் சுமார் 7 நாட்களுக்கு தாங்கும். 5 நிமிட சார்ஜில் ஒரு நாள் முழுவதும் சக்தி கிடைக்கும்.

Bluetooth 5.3, BLE, மைக், ஸ்பீக்கர் ஆகியவை இணைக்கப்பட்டுள்ளன.
சிலிகான் ஸ்ட்ராப் மொடல் ரூ.5,999-க்கு கிடைக்கும்.

மெட்டல்/லெதர் ஸ்ட்ராப் மொடல்கள் ரூ.6,999-க்கு கிடைக்கும்.

மொத்தம் 6 வகைகளில் கிடைக்கும். Motorola இணையதளம் மற்றும் அங்கீகரிக்கப்பட்ட விற்பனையாளர்களிடம் விரைவில் விற்பனை தொடங்குகிறது.
இந்த Moto Watch, ஆரோக்கிய கண்காணிப்பையும், பாரம்பரிய வடிவமைப்பையும் ஒருங்கிணைத்து, இந்திய wearable சந்தையில் புதிய போட்டியை உருவாக்குகிறது.