இலங்கைக்கு வரவுள்ள பாகிஸ்தான் அணி

பாகிஸ்தான் கிரிக்கெட் அணி, எதிர்வரும் 2026 ஜனவரி மாதம் இலங்கைக்கு சுற்றுப்பயணம் செய்து மூன்று போட்டிகள் கொண்ட இருபதுக்கு 20 (T20) சர்வதேசத் தொடரில் விளையாட விருப்பம் தெரிவித்துள்ளது.

இது தொடர்பாக இரு நாட்டு கிரிக்கெட் சபைகளுக்கும் (பாகிஸ்தான் கிரிக்கெட் சபை மற்றும் ஸ்ரீலங்கா கிரிக்கெட்) இடையில் தீவிரப் பேச்சுவார்த்தைகள் இடம்பெற்று வருவதாக செய்தி வெளியாகியுள்ளன.

முன்மொழியப்பட்ட போட்டி அட்டவணை இந்த டி20 தொடர் ஜனவரி 8, 10, மற்றும் 12 ஆகிய திகதிகளில் கொழும்பில் நடத்தப்பட முன்மொழியப்பட்டுள்ளது.

உலகக் கிண்ணத் தயார்படுத்தல் இந்தத் தொடரானது, 2026 ஆம் ஆண்டு பெப்ரவரி மாதம் இலங்கை மற்றும் இந்தியா இணைந்து நடத்தும் இருபதுக்கு 20 உலகக் கிண்ணத் தொடருக்கான ஆரம்ப கட்டத் தயார்படுத்தலாக பாகிஸ்தான் அணிக்கு அமையும் என எதிர்பார்க்கப்படுகிறது.

அணியின் பாகிஸ்தான் சுற்றுப்பயணம்: இதற்கு முன்னதாக, இலங்கை அணி நவம்பர் மாதம் பாகிஸ்தானில் மூன்று ஒருநாள் (ODI) போட்டிகளில் விளையாடத் திட்டமிட்டுள்ளது.

முத்தரப்புத் தொடர்: பாகிஸ்தான் சுற்றுப்பயணத்தைத் தொடர்ந்து, ஆப்கானிஸ்தான் பங்கேற்கவிருந்த முத்தரப்புத் தொடரில் இலங்கை விளையாட இருந்தது.

எனினும், பாகிஸ்தான் - ஆப்கானிஸ்தான் இடையேயான தற்போதைய அரசியல் பதற்றங்கள் காரணமாக, இந்த முத்தரப்புத் தொடர் நிச்சயமற்ற தன்மையில் உள்ளது.