பரிஸ் : வழமைக்கு மாறாக மிகக்குறைந்த அளவு மழைவீழ்ச்சி பதிவு..!

பரிசில் கடந்த ஜூன் மாதத்தில் வழமைக்கு மாறாக மிகக்குறைந்த அளவில் மழைவீழ்ச்சி பதிவானதாக தெரிவிக்கப்பட்டுள்ளது.

ஜூன் மாதம் ஒன்றில் பரிசில் பதிவாகும் சராசரி மழை வீழ்ச்சியை விட, 20% சதவீதம் குறைவான மழைவீழ்ச்சியே பதிவாகியுள்ளது. ஜூன் மாதத்தில் மொத்தமாக 34.7 மில்லிமீற்றர் மழை (ஒரு சதுர மீற்றருக்கு 35 லிட்டர் மழை வீதம்) பதிவானது.

இதே ஜுன் மாதத்தில் அதிகூடிய வெப்பமாக 31.1°C மற்றும் மிகக்குறைந்த வெப்பமாக 9.6°C பதிவாகியுள்ளது.

அத்தோடு, 213 மணிநேரங்களும் 5 நிமிடங்களும் சூரிய வெளிச்சம் இருந்ததாகவும், இது சராசரியை விட 5% சதவீதம் அதிகம் எனவும் தெரிவிக்கப்படுகிறது.