Eure-et-Loir மாவட்டத்தில் இன்று வியாழக்கிழமை காலை ஒரே குடும்பத்தைச் சேர்ந்த மூவர் வெட்டிக்கொல்லப்பட்டனர். பெரும் பரபரப்பை ஏற்படுத்திய இச்சம்பவம் தொடர்பாக காவல்துறையினர் விசாரணைகளை முன்னெடுத்துள்ளனர்.

37 வயதுடைய பெண் ஒருவரும் அவரது 15 வயதுடைய மகளும், வயது குறிப்பிடப்படாத மற்றொரு குழந்தையும் என மொத்தம் மூவர் படுகொலை செய்யப்பட்டுள்ளனர். கொல்லப்பட்ட பெண்ணின் நண்பர் ஒருவர் இன்று காலை வீட்டுக்கு வருகை தந்திருந்த போது மூவரும் கொல்லப்பட்டிருப்பதை பார்த்து அதிர்ச்சியடைந்துள்ளார். பின்னர் அவரே காவல்துறையினரையும் அழைத்துள்ளார்.

விரைந்து வந்த காவல்துறையினர் சடலங்களை மீட்டதோடு, கொலையாளியையும் தேடி வருகின்றனர்.

இச்சம்பவம் அப்பகுதியில் மிகுந்த பரபரப்பை ஏற்படுத்தியுள்ளது. தேடப்பட்டு வரும் கொலையாளி, கொல்லப்பட்டவரின் முன்னாள் கணவர் என சந்தேகிக்கப்படுகிறது.