கடந்தவாரத்துடன் ஒப்பிடுகையில் பிரான்சில் கொவிட் 19 பரவல் திடீரென அதிகரித்துள்ளது. அரச ஊடக பேச்சாளர் Olivier Véran இதனை உறுதிசெய்துள்ளார்.

கிட்டத்தட்ட 40% சதவீதத்தால் கொவிட் 19 பரவல் அதிகரித்துள்ளது. கடந்தவாரம் நாள் ஒன்றில் சராசரியாக 50,000 பேருக்கு கொவிட் 19 தொற்று ஏற்பட்டிருந்த நிலையில், இவ்வாரம் 90,000 பேருக்கும் அதிகமானோருக்கு தொற்று ஏற்படுவதாக ஊடக பேச்சாளர் Olivier Véran தெரிவித்தார்.

அதேவேளை, தடுப்பூசியினை நிறைவு செய்யாதவர்கள் மிக விரைவாக தடுப்பூசிகளை போட்டுக்கொள்ளவேண்டும் எனவும், இரண்டாவது பூஸ்ட்டர் தடுப்பூசி செலுத்த 17 மில்லியன் பேர் ஏற்புடையவர்களாக இருந்தும் இதுவரை 20% சதவீதமானவர்களே தடுப்பூசி போட்டுக்கொண்டுள்ளதாகவும் ஊடக பேச்சாளர் மேலும் தெரிவித்தார்.