பரிஸ் புறநகரான Ivry-sur-Seine (Val-de-Marne) இல் அமைந்துள்ள சேமிப்பகம் ஒன்றில் பாரிய தீ விபத்து ஏற்பட்டுள்ளது.

rue Jean-Jacques Rousseau வீதியில் உள்ள 4,000 சதுரமீற்றர் பரப்பளவு கொண்ட பாரிய சேமிப்பகத்தில் நேற்று மாலை 4 மணி அளவில் திடீரென தீ பரவ ஆரம்பித்துள்ளது. தீயணைப்பு படையினர் சம்பவ இடத்துக்கு வந்தடையும் முன்னர் தீ கட்டுப்பாடின்றி பரவி, பெரும் சேதத்தினை ஏற்படுத்தியுள்ளது.

30 தீயணைப்பு வாகனங்களில், 100 தீயணைப்பு வீரர்கள் களத்தில் போராடி தீ கட்டுப்பாட்டுக்குள் கொண்டுவந்தனர்.

இச்சம்பவத்தில் எவரும் காயமடையவில்லை என்றபோதும், பல மில்லியன் யூரோக்கள் பெறுமதியான பொருட்ச்சேதம் ஏற்பட்டுள்ளதாக அறிய முடிகிறது.