இன்று Totalénergies ஆலைகளின் ஊழியர்கள் வேலை நிறுத்தத்தில் ஈடுபடுவதை அடுத்து, நிரப்பு நிலையங்களுக்கான விநியோகம் தடைப்பட்டுள்ளது.

ஓய்வூதிய சீர்திருத்தத்தைக் கண்டித்து இடம்பெறும் இந்த வேலை நிறுத்தத்தில் Totalénergies நிறுவனத்தைச் சேர்ந்த 56 சதவீதமான ஊழியர்கள் வேலை நிறுத்தத்தில் ஈடுபட்டுள்ளனர். இந்த வேலை நிறுத்தம் அடுத்த 48 மணிநேரங்களுக்கு தொடரும் எனவும் அறிவிக்கப்பட்டுள்ளது.

இந்த வேலை நிறுத்தத்தினால் நாடு முழுவதும் உள்ள சில எரிபொருள் நிரப்பு நிலையங்களுக்கான விநியோகம் தடைப்பட்டுள்ளதாக தெரிவிக்கப்பட்டுள்ளது.

அதேவேளை, நிரப்பு நிலையங்களில் எரிபொருள் தட்டுப்பாடு எதுவும் ஏற்படாது எனவும் தெரிவிக்கப்பட்டுள்ளது.