பரிசின் புறநகரான Neuilly-sur-Seine (Hauts-de-Seine) நகரில் உள்ள வீடொன்றுக்குள் நுழைந்த கொள்ளையர்கள் சிலர், அங்கிருந்து ஆடம்பர பொருட்கள் சிலவற்றைக் கொள்ளையிட்டுச் சென்றுள்ளனர்.

பிரான்சின் பெரும் செல்வந்தர்களில் ஒருவரான Philippe Oddo இற்குச் சொந்தமான வீடொன்றிலேயே இக்கொள்ளைச் சம்பவம் இடம்பெற்றுள்ளது. சனிக்கிழமை இரவு, அவரது வீட்டுக்குள் நுழைந்த கொள்ளையர்கள் சிலர் 400,000 யூரோக்கள் மதிப்பிலான பல ஆடம்பரப்பொருட்களை கொள்ளையிட்டுச் சென்றுள்ளனர்.

கைக்கடிகாரங்கள், தோலினால் செய்யப்பட்ட பைகள் உள்ளிட்ட பல பொருட்கள் திருடப்பட்டுள்ளன.

மேற்படி கொள்ளைச் சம்பவம் தொடர்பில் காவல்துறையினர் விசாரணைகளை மேற்கொண்டு வருகின்றனர்.