Reels, Short அதிகம் பார்த்தால் மன அழுத்தம் அதிகரிக்கும் - ஜேர்மன் ஆய்வு

ஜேர்மனியின் Bayreuth பல்கலைக்கழக ஆராய்ச்சியாளர்கள் சமீபத்தில் வெளியிட்ட ஆய்வில், குறுகிய வீடியோக்களை (TikTok, Reels போன்றவை) தொடர்ந்து நீண்ட நேரம் பார்ப்பது இளைஞர்களின் மனநலத்திற்கும் கவனத்திற்கும் பாதிப்பை ஏற்படுத்தும் என எச்சரிக்கப்பட்டுள்ளது.

இந்த ஆய்வு, 2015 முதல் 2025 வரை 42 உலகளாவிய ஆய்வுகளில் 47,000-க்கும் மேற்பட்ட இளைஞர்களின் தரவுகளை ஆய்வு செய்தது.

சராசரி வயது 16.8 ஆண்டுகள் கொண்ட இவர்கள், வீடியோ பயன்பாட்டின் தாக்கத்தை EEG மற்றும் MRI மூலமாக மதிப்பீடு செய்யப்பட்டது.

வேகமான உள்ளடக்கம் (Fast-paced Content): நினைவாற்றலை பாதிக்கிறது.

மிகுந்த தனிப்பட்ட பரிந்துரைகள் (Overly personalized feeds): உள்ளடக்கத்துடன் அதிக பிணைப்பை உருவாக்குகிறது.

எல்லையற்ற ஸ்க்ரோலிங் (infinite scrolling): திரை நேரத்தை அதிகரித்து, இயல்பான இடைவெளிகளை குறைக்கிறது.

நான்கு மணி நேரத்திற்கும் மேல் தினசரி குறுகிய வீடியோக்களை பார்ப்பது “heavy use” என வரையறுக்கப்பட்டுள்ளது.

இது கவனக் குறைவு, திடீர் செயல் (impulsivity), நினைவாற்றல் குறைவு, மன அழுத்தம், மனச்சோர்வு, மற்றும் அடிமைத்தனமான பழக்கங்களை அதிகரிக்கிறது.

ஆய்வாளர்கள், இதற்கான தகுந்த முன்னெச்சரிக்கை நடவடிக்கைகள் இளைஞர்களின் நலனுக்கு அவசியம் என பரிந்துரைத்துள்ளனர்.