660 மில்லியன் யூரோக்கள் மதிப்பிலான Musée du Louvre மறுசீரமைப்புக்கு புதிய கட்டிடக் கலை குழு தேர்வு!!

Musée du Louvre அருங்காட்சியகத்தின் 660 மில்லியன் யூரோக்கள் மதிப்பிலான மறுசீரமைப்பு திட்டத்திற்காக STUDIOS Architecture Paris மற்றும் Selldorf Architects ஆகிய இரண்டு கட்டிடக் கலை நிறுவனங்கள் தேர்வு செய்யப்பட்டுள்ளன என்று பிரான்ஸ் கலாச்சார அமைச்சகம் அறிவித்துள்ளது. இந்த திட்டத்தில் Mona Lisa ஓவியத்திற்கான புதிய அரங்கமும் இடம்பெறுகிறது.

STUDIOS Architecture Paris நிறுவனம் Fondation Louis Vuitton மற்றும் LUMA Arles போன்ற முக்கிய கட்டிடத் திட்டங்களில் பணியாற்றியுள்ளது. Selldorf Architects நிறுவனம் Annabelle Selldorf தலைமையில் செயல்பட்டு, The Frick Collection மற்றும் National Gallery போன்ற இடங்களில் புகழ்பெற்ற பணிகளை செய்துள்ளது.

இந்த திட்டத்தில் BASE Landscape Architecture நிறுவனமும் இணைந்து பசுமை மற்றும் நகரமைப்பு பணிகளை மேற்கொள்ளும். திட்டம் பார்வையாளர்களுக்கான வசதிகள், பாதுகாப்பு, தெளிவான நடைபாதைகள் மற்றும் சுற்றுச்சூழல் நட்பு அம்சங்களை முன்னிலைப்படுத்துகிறது.

இந்த மறுசீரமைப்பு Emmanuel Macron அறிவித்த “Louvre Nouvelle Renaissance” திட்டத்தின் ஒரு பகுதியாகும். உலகின் அதிகம் பார்வையிடப்படும் அருங்காட்சியகமான லூவருக்கு புதிய நுழைவாயில்கள் உருவாக்கப்படவுள்ளன. மொத்த திட்டச் செலவு 1.15 பில்லியன் யூரோக்களாக மதிப்பிடப்பட்டுள்ள நிலையில், இது குறித்து தொழிற்சங்கங்கள் விமர்சனமும் முன்வைத்துள்ளன.