பரிஸ் 9ஆம் வட்டாரத்தில் சட்டவிரோத சுற்றுலா வாடகை - அபராதம்!

பரிஸ் நகரில் ஒரு முழு கட்டடத்தை சட்டவிரோதமாக சுற்றுலா தங்குமிடங்களாக மாற்றியதற்காக நீதிமன்றம் விதித்த சாதனை அளவிலான அபராதம் மற்றும் அதனுடன் தொடர்புடைய நிர்வாக, சட்ட நடவடிக்கைகள் அறிவிக்கப்பட்டுள்ளன

பரிஸ் நீதித்துறை நீதிமன்றம் 15 ஏப்ரல் 2026 அன்று ஒரு வீடுகள் நிர்வாகம் மற்றும் கொள்வனவு அமைப்பான SCI (Société Civile Immobilière) நிறுவனத்திற்கு 585,000 யூரோ என்ற பாரிய அளவிலான அபராதத்தை விதித்துள்ளது.

இந்த தண்டனை, பாரிஸ் 9ஆம் வட்டாரத்தில் உள்ள ஒரு முழு கட்டடத்தை   சட்டப்படி தேவையான உபயோக அனுமதியின்றி இன்றி சுற்றுலா தங்குமிடங்களாக (meublés de tourisme) மாற்றியதற்காக விதிக்கப்பட்டது.

பரிஸ் நகராட்சி இந்தத் தீர்ப்பை “மிக முக்கியமான முன்னேற்றம்” என வரவேற்றுள்ளது.

கட்டடத்தின் நிலைமை மற்றும் சட்ட மீறல்கள்

கட்டிடம் 2022 இறுதியில் வாங்கப்பட்டது. இது முன்பு பாதுகாப்பற்ற நிலையில் உள்ளவர்களுக்கு ஒதுக்கப்பட்ட சமூக குடியிருப்பு ஆகும்.

2023 இறுதியில், கட்டிடம் முழுவதும் 11 சுற்றுலா தங்குமிடங்களாக மாற்றப்பட்டது.

இவை Airbnb தளத்தில் வாடகைக்கு விடப்பட்டன.

ஆனால், சட்டப்படி கட்டாயமான, பயன்பாடு மாற்ற அறிவிப்பு (déclaration de changement d’usage), பதிவு எண் (numéro d’enregistrement)  ஆகியவை பின்பற்றப்படவில்லை.

இதனால்:

முதன்மை அபராதம் : 445,000 €

கூடுதல் மீறல்கள் (பதிவு எண் இல்லாமை, ஆவணங்கள் வழங்காதது) என மொத்த அபராதமாக  585,000 € விதிக்கப்பட்டுள்ளது

நீதிமன்றம் மேலும் சுற்றுலா வாடகை நடவடிக்கையை உடனடியாக நிறுத்த உத்தரவிட்டுள்ளது.

மீறி தொடர்ந்தால்தொடர்ந்தால்:

→ ஒரு நாளுக்கு, ஒரு குடியிருப்புக்கு 1,000 €  என 11 குடியிருப்புகளுக்கு 11,000 € / நாள்  என்ற தினசரி அபராதம் விதிக்கப்படும்.

இது பரிஸ் நகரில் ஒரு தனியார் வாடகையாளர் மீது விதிக்கப்பட்ட மிக உயர்ந்த தண்டனை.

இந்த தீர்ப்பு, பரிஸ் நகரில் சட்டவிரோத சுற்றுலா வாடகை மாற்றங்களுக்கு எதிரான கடுமையான நீதிமன்ற நிலைப்பாட்டை உறுதிப்படுத்துகிறது.

சமூக வீடுகளை சுற்றுலா வணிகமாக மாற்றும் நடைமுறைக்கு  இது தெளிவான தடுப்பு நடவடிக்கையாக அமைகிறது.

நகராட்சி, குடியிருப்பு சந்தையை பாதுகாக்கவும், சட்டவிரோத மாற்றங்களை கட்டுப்படுத்தவும், தொடர்ந்த கண்காணிப்பு மற்றும் சட்ட நடவடிக்கைகளை மேற்கொண்டு வருகிறது.