தரையில் விழாமல் மாறி மாறி Heading செய்த வீரர்கள் - குறுக்கே புகுந்து கோல் அடித்த நோவா

மான்செஸ்டர் யுனைடெட் அணிக்கு எதிரான பிரீமியர் லீக் போட்டியில், லீட்ஸ் அணி 2-1 என்ற கணக்கில் வெற்றி பெற்றது.

ஓல்டு ட்ராஃபோர்டில் நடந்த பிரீமியர் லீக் தொடர் போட்டியில், மான்செஸ்டர் யுனைடெட் மற்றும் லீட்ஸ் அணிகள் மோதின.  

ஆட்டத்தின் 5வது நிமிடத்தில் மான்செஸ்டர் யுனைடெட் வீரர் Heading செய்த பந்தை, லீட்ஸின் நோவா ஓகஃபோர் கிக் செய்து கோலாக மாற்றி அதிர்ச்சி கொடுத்தார்.

அதனைத் தொடர்ந்து 28வது நிமிடத்தில் இரு அணி வீரர்களும் பந்தை Heading செய்து கொண்டிருக்க, அடுத்த நிமிடத்தில் நோவா ஓகஃபோர் (Noah Okafor) மிரட்டலாக கிக் செய்து கோல் அடித்தார்.

இதன்மூலம் முதல் பாதியில் லீட்ஸ் அணி 2-0 என முன்னிலை வகித்தது. பின்னர் பரபரப்பாக இரண்டாம் பாதி ஆரம்பித்தது.

மான்செஸ்டர் வீரர்களின் ஒவ்வொரு கோல் முயற்சியையும் லீட்ஸ் வீரர்கள் தடுத்து கடுமையான நெருக்கடி கொடுத்தனர்.

56வது நிமிடத்தில் லிசான்ட்ரோ மார்டினஸ் சிவப்பு அட்டை பெற்றது மேலும் மான்செஸ்டர் அணிக்கு பின்னடைவையாக அமைந்தது.

ஒரு வழியாக 69வது நிமிடத்தில் மான்செஸ்டரின் நட்சத்திர வீரரான கேஸ்மிரோ (Casemiro), உயரே பறந்துவந்த பந்தினை தலையால் முட்டி கோலாக மாற்றினார்.

ஆனால், அதன் பின்னர் லீட்ஸ் வீரர்கள் மேலும் ஆக்ரோஷமாக செயல்பட்டு மான்செஸ்டர் யுனைடெட்டை கோல் அடிக்க விடாமல் பார்த்துக் கொண்டனர்.

இறுதியில் லீட்ஸ் அணி 2-1 என்ற கணக்கில் வெற்றி பெற்று மான்செஸ்டர் யுனைடெட்டிற்கு அதிர்ச்சி கொடுத்தது.