இயக்குனர் வினோத்தின் அதிரடி!

நடிகர் விஜய்யை வைத்து 'ஜனநாயகன்' படத்தை இயக்கியுள்ளார் வினோத் . தணிக்கை சான்றிதழில் ஆரம்பமான பிரச்னை அப்படியே முழு படமும் பைரசி தளங்களில் லீக்கானது வரை பல சிக்கல்களை சந்தித்து வருகிறது. இதனால் வினோத் ஒருபுறம் அப்செட்டில் இருந்தாலும் மறுபுறம் தனது அடுத்த பட வேலைகளிலும் இறங்கி உள்ளார். நடிகர் தனுஷை வைத்து இவர் ஒரு படம் இயக்குவதாக இருந்தது. ஆனால் சில காரணங்களால் இந்த படம் தள்ளிப்போய் உள்ளது.

இதையடுத்து நடிகர் சூர்யாவிற்கு கதை ஒன்றைக் கூறியுள்ளார் வினோத். இது சூர்யாவின் 48வது படமாக உருவாக உள்ளது. ஆனால் சூர்யா கைவசம் அடுத்தடுத்து இரு படங்கள் உள்ளதால் இந்த படம் துவங்க தாமதம் ஏற்பட்டுள்ளது. அதற்குள் இன்னொரு படத்தை இயக்க முடிவு செய்துள்ளார் வினோத். அதன்படி ஏற்கனவே கார்த்தியை வைத்து தீரன் அதிகாரம் ஒன்று படத்தை இயக்கிய வினோத் மீண்டும் அவரை வைத்தே ஒரு படத்தை இயக்க போகிறாராம். இதை டிரீம் வாரியர்ஸ் நிறுவனம் தயாரிக்க உள்ளது. அனேகமாக இது தீரன் அதிகாரம் ஒன்று படத்தின் இரண்டாம் பாகமாக இருக்கலாம் என கூறப்படுகிறது.