எலான் மஸ்க் அறிமுகப்படுத்தும் XChat ஆப் ஸ்டோரில் விரைவில்

எலான் மஸ்க் தலைமையிலான சமூக ஊடக நிறுவனம் X உருவாக்கிய புதிய மெசேஜிங் ஆப் XChat, ஏப்ரல் 17, 2026 அன்று ஆப்பிள் App Store-இல் அறிமுகமாகிறது.

தற்போது, iPhone பயனர்களுக்கான pre-order வசதி திறக்கப்பட்டுள்ளது.

XChat, மஸ்க் கனவு காணும் “Super App” திட்டத்தின் முக்கியமான படியாகக் கருதப்படுகிறது.

சீனாவின் WeChat பயன்பாட்டை அவர் பலமுறை பாராட்டியுள்ளார். “WeChat என்பது Twitter, PayPal மற்றும் பல சேவைகளை ஒருங்கிணைக்கும் சிறந்த மாதிரி. மேற்கத்திய நாடுகளில் இதற்கு இணையான ஒரே ஆப் இல்லை” என்று மஸ்க் கூறியுள்ளார்.

XChat, WhatsApp மற்றும் WeChat போன்ற முன்னணி மெசேஜிங் ஆப்களுக்கு போட்டியாக உருவாக்கப்பட்டுள்ளது.

பயனர்கள் ஒரே ஆப்பில் சமூக ஊடகம், பண பரிவர்த்தனை, மெசேஜிங், மற்றும் பல தினசரி சேவைகளைப் பெறும் வகையில் வடிவமைக்கப்பட்டுள்ளது.

தொழில்நுட்ப வல்லுநர்கள், “XChat அறிமுகம், மேற்கத்திய சந்தையில் புதிய மாற்றத்தை ஏற்படுத்தும். மஸ்க், X-ஐ சமூக ஊடகத்திலிருந்து முழுமையான டிஜிட்டல் சூழலாக மாற்ற முயற்சி செய்கிறார்” என்று கருத்து தெரிவித்துள்ளனர்.

இந்த அறிமுகம், உலகளாவிய மெசேஜிங் ஆப்கள் சந்தையில் புதிய போட்டியை உருவாக்கும். XChat, iPhone பயனர்களுக்கு முதலில் கிடைக்கிறது. பின்னர் Android-க்கும் அறிமுகமாகும் என எதிர்பார்க்கப்படுகிறது.