அஜித் எடுத்த அதிரடி முடிவு!

ஆதிக் ரவிச்சந்திரன் இயக்கத்தில் நடித்த குட் பேட் அக்லி படத்திற்கு பிறகு தொடர்ந்து கார் ரேஸில் கவனம் செலுத்தி வருகிறார் அஜித் குமார். இதனால் மீண்டும் ஆதிக் ரவிச்சந்திரன் இயக்கத்தில் அவர் நடிக்கும் 64வது படத்தின் படப்பிடிப்பு தள்ளி போனது. மேலும் அஜித்தின் சம்பள பிரச்னையால் படத்தை தயாரிப்பதிலும் சிக்கல் நீடித்தது. இந்த நிலையில் தற்போது அஜித் 64வது படத்தின் படப்பிடிப்பு மே மாதம் முதல் வாரத்தில் தொடங்க இருப்பதாக கூறப்படுகிறது. இதை அஜித்தே தயாரிக்கலாம் என்கிறார்கள்.

இந்நிலையில் இனிவரும் காலங்களில் சினிமா, கார் ரேஸ் இரண்டிலும் பயணிக்க திட்டமிட்டு இருக்கும் அஜித், ஒரு மாதத்தில் 15 நாட்கள் படப்பிடிப்பு மீதமுள்ள 15 நாட்கள் கார் பந்தயத்திற்கும் ஒதுக்கி உள்ளாராம். அதற்கேற்ப படப்பிடிப்பு நடத்துமாறும் தற்போது இயக்குனர் ஆதிக் ரவிச்சந்திரனை கேட்டுக் கொண்டுள்ளாராம். குறிப்பாக தெலுங்கு நடிகர் பவன் கல்யாண் சினிமா பாதி, அரசியல் பாதி என்று நேரத்தை பிரித்து செலவிட்டு வருவது போன்று தற்போது அஜித் குமாரும் சினிமா பாதி, கார் ரேஸ் பாதி என்று நாட்களைப் பிரித்து செயல்பட முடிவெடுத்திருக்கிறார்.