மாம்பழ லட்டு

கோடைக்காலம் என்னதான் வெயிலால் வாட்டினாலும் இந்த மாம்பழங்களின் வருகை சற்று இளைப்பாற்றலை தருகின்றன. அதன் இனிப்பு, புளிப்பு சுவை அபலரின் நாவை எச்சில் ஊற வைக்கிறது. இந்த சமயத்தில்தான் மாம்பழத்தை வைத்து பல வகையான ரெசிபிகளை செய்து பார்க்க முடியும். அந்தவகையில் பலர் மாம்பழங்களைக் கொண்டு ஷேக்குகள், ஐஸ்கிரீம் மற்றும் பலவிதமான இனிப்புகள் செய்து அசத்துகின்றனர். ஆனால், நீங்கள் எப்போதாவது 'மாம்பழ லட்டு' சுவைத்திருக்கிறீர்களா?
 

தேவையான பொருட்கள்:
1 கப் மாம்பழக் கூழ்
1 கப் உலர்ந்த தேங்காய் துருவல்
½ கப் கண்டன்ஸ்டு மில்க்

செய்முறை
. முதலில், ஒரு வாணலியை குறைந்த தீயில் சூடாக்கவும். மாம்பழக் கூழைச் சேர்த்து, அதன் பச்சை வாசனை போகும் வரை, தொடர்ந்து கிளறியவாறு 2-3 நிமிடங்கள் சமைக்கவும்.

அடுத்து, கண்டன்ஸ்டு மில்க்கைச் சேர்த்துத் தொடர்ந்து கலக்கவும். கலவை கெட்டியாகத் தொடங்கும்போது, ​​துருவிய தேங்காயைச் சேர்க்கவும். பின்னர் அலங்கரிப்பதற்காக சிறிதளவு தேங்காய் துருவலை தனியாக எடுத்து வைக்கவும்.

இப்போது, ​​இந்தக் கலவை வாணலியின் ஓரங்களிலிருந்து பிரியத் தொடங்கும் வரை குறைந்த தீயில் சமைக்கவும். கலவை கெட்டியானதும், அடுப்பை அணைத்து, அது சிறிது ஆற விடவும்.

கை தொடும் பதத்திற்கு ஆறியதும், உங்கள் உள்ளங்கைகளில் சிறிதளவு நெய் தடவி, அந்தக் கலவையைச் சிறிய லட்டுகளாக உருட்டவும். மீதமுள்ள தேங்காய்த் துருவலில் லட்டுகளின் மேல் பூசி, ஒரு அழகான லேயரை உருவாக்கவும். உங்கள் சுவையான மாம்பழ லட்டுகள் தயார். பரிமாறுவதற்கு முன் அவற்றைச் சிறிது நேரம் குளிர்சாதனப் பெட்டியில் வைப்பது அவற்றின் சுவையை அதிகரிக்கும்.