இந்தியாவில் மலிவான விலையில் கிடைக்கும் மின்சார மோட்டார் சைக்கிள்கள்

இந்தியாவில் மின்சார வாகனங்கள் வேகமாக வளர்ந்து வரும் நிலையில், பல நிறுவனங்கள் மலிவான விலையில் மின்சார மோட்டார் சைக்கிள்களை அறிமுகப்படுத்தியுள்ளன.

பெட்ரோல் விலை உயர்வு, சுற்றுச்சூழல் பாதுகாப்பு, மற்றும் அரசின் ஊக்குவிப்பு திட்டங்கள் காரணமாக, மக்கள் மின்சார வாகனங்களை அதிகம் விரும்பி வருகின்றனர்.

Ola-வின் Roadster X நகரப் பயணங்களுக்கு ஏற்ற மிகக் குறைந்த விலை மின்சார பைக் ஆகும். 2.5 kWh முதல் 4.5 kWh வரை மூன்று பேட்டரி மொடல்களில் கிடைக்கிறது. இதன் அதிகபட்ச வேகம் 118 kmph வரை செல்லும். விலை ரூ.75,000 முதல் ரூ.1.29 லட்சம் வரை.

Revolt-ன் RV1 மற்றும் BlazeX பைக்குகள் பொதுமக்கள் பயன்பாட்டுக்கான மலிவான மின்சார பைக்குளாகும். RV1 பைக்கில் ஒரு முறை சார்ஜ் செய்தால் 100 முதல் 160 km வரை ரேஞ்ச் கிடைக்கிறது. BlazeX அதிக சக்தி கொண்டது, 150 km வரை பயணிக்க முடியும். விலை ரூ.84,990 முதல் ரூ.1.25 லட்சம் வரை மொடல்களைப் பொறுத்து உள்ளது.

Oben Rorr EZ மற்றும் Rorr Evo பைக்குகள் LFP பேட்டரி தொழில்நுட்பத்துடன், நீண்ட ஆயுள் மற்றும் நம்பகத்தன்மை கொண்ட மின்சார பைக்குகளாகும். 110 முதல் 175 km வரை ரேஞ்ச் கிடைக்கும். விலை ரூ.99,000 முதல் ரூ.1.29 லட்சம் நிர்ணயிக்கப்பட்டுள்ளது.

4-ஸ்பீடு கியர்பாக்ஸ் கொண்ட தனித்துவமான மின்சார பைக் தான் Matter Aera. இதில் 172 km வரை ரேஞ்ச் கிடைக்கும். விலை ரூ.1.82 முதல் ரூ.1.93 லட்சம் உள்ளது.

Raptee HV T30 பைக்கானது 240V உயர் மின்னழுத்த தொழில்நுட்பத்துடன், 36 நிமிடங்களில் வேகமாக சார்ஜ் செய்யும் திறன் கொண்டது. 200 km வரை ரேஞ்ச் கிடைக்கிறது. இதன் விலை ரூ.2.39 லட்சம் ஆகும்.

இந்த மின்சார மோட்டார் சைக்கிள்கள், குறைந்த செலவில் அதிக பயன்களை வழங்குவதால், இந்திய இளைஞர்கள் மற்றும் நகரப் பயணிகளுக்கு சிறந்த தேர்வாக மாறியுள்ளன.