Google Chrome-ன் அவசர பாதுகாப்பு புதுப்பிப்பு- 3.5 பில்லியன் பயனர்களுக்கு எச்சரிக்கை

கூகுள் Chrome உலாவியில் இரண்டு புதிய Zero-Day பாதுகாப்பு குறைகள் கண்டறியப்பட்டுள்ளன.

இதனைத் தொடர்ந்து சுமார் 3.5 பில்லியன் Chrome பயனர்களுக்கு எச்சரிக்கை விடுக்கப்பட்டுள்ளது.

இந்த குறைகளை ஹேக்கர்கள் ஏற்கனவே பயன்படுத்தத் தொடங்கியதால், கூகுள் அவசர பாதுகாப்பு புதுப்பிப்பை (emergency security update) வெளியிட்டுள்ளது.

CVE-2026-3909 மற்றும் CVE-2026-3910 எனப்படும் இந்த குறைகள் Chrome-இன் முக்கிய தொழில்நுட்ப பகுதிகளை பாதிக்கின்றன.

முதல் குறை Chrome-ன் Skia graphics library பகுதியில் உள்ளது. இது பயனர் ஒரு தீங்கிழைக்கும் இணையதளத்தை பார்வையிடும் போது தாக்குதலுக்குப் பயன்படுத்தப்படலாம். இரண்டாவது குறை Chrome-ன் V8 JavaScript engine பகுதியில் உள்ளது. இது ஹேக்கர்களுக்கு தீங்கிழைக்கும் HTML பக்கத்தின் மூலம் code-ஐ இயக்க அனுமதிக்கிறது.

கூகுள், Chrome 153 பதிப்பிலிருந்து பாதுகாப்பு புதுப்பிப்புகளை இரு வாரங்களுக்கு ஒருமுறை வெளியிடும் என அறிவித்துள்ளது.

தற்போது வெளியிடப்பட்டுள்ள புதுப்பிப்பு (146.0.7680.75/76) Windows, Mac மற்றும் Linux பயனர்களுக்காக உள்ளது.

பயனர்கள் தங்கள் Chrome உலாவியை Help→About Google Chrome பகுதியில் சென்று புதுப்பித்துக் கொள்ள வேண்டும்.

கூகுள் கடந்த 15 ஆண்டுகளில் பாதுகாப்பு குறைகளை கண்டறிந்த ஆராய்ச்சியாளர்களுக்கு 81.6 மில்லியன் டொலர் பரிசுத்தொகை வழங்கியுள்ளது.

Chrome பாதுகாப்பை வலுப்படுத்தும் முயற்சிகள் தொடர்ந்து நடைபெறுகின்றன.