2026 மாநகராட்சி தேர்தல்: முதல் சுற்று நண்பகல் வரை 19.37% வாக்காளர்கள் பங்கேற்பு!!

2026 மார்ச் 15 ஞாயிற்றுக்கிழமை மதியம் 12 மணிவரை, பிரான்சின் பல பகுதிகளில் நடைபெறும் மாநகராட்சி தேர்தலின் முதல் சுற்றில் வாக்காளர் பங்கேற்பு 19.37% ஆக இருந்ததாக உள்துறை அமைச்சகம் தெரிவித்துள்ளது.

2020ஆம் ஆண்டில் கோவிட்-19 தொற்று காரணமாக வாக்காளர் பங்கேற்பு மிகவும் குறைந்திருந்தது. அதனை ஒப்பிடுகையில் இந்த ஆண்டில் பங்கேற்பு சிறிதளவு அதிகரித்துள்ளது. மதியம் 12 மணிவரை அதிக வாக்காளர் பங்கேற்பு இருந்த மாவட்டங்கள்:

1. La Corse-du-Sud – 30.34%
2. ஆட் (Aude) – 28.52%
3. Alpes-de-Haute-Provence – 28.45%
4. கொரேஸ் (Corrèze) – 28.32%

மிகக் குறைந்த பங்கேற்பு இருந்த இடங்கள்:

• பரிஸ் – 13.89%
• ஓ-து-சென் (Hauts-de-Seine) – 13.75%
• இவ்லின் (Yvelines) – 12.13%
• சென்-சான்-டெனி (Seine-Saint-Denis) – 10.16%

ஆறு ஆண்டுகளுக்கு முன்பும் (2020), மதியம் வரை அதிகமாக வாக்களித்த பகுதிகளில் கோர்ஸ் மற்றும் ஆட் இருந்தன; அதேபோல் குறைந்த பங்கேற்பு இருந்த இடங்களில் சென்-சான்-டெனி, இவ்லின், மற்றும் ஓ-து-சேன் இருந்தன.

“சமநிலை பட்டியல்” (liste paritaire) – புதிய நடைமுறை

இந்த ஆண்டு அறிமுகப்படுத்தப்பட்ட “சமநிலை பட்டியல்” முறை (ஆண்-பெண் சம அளவு வேட்பாளர்கள் கொண்ட பட்டியல்) காரணமாக, குறிப்பாக வேட்பாளர்கள் குறைவாக இருக்கும் சிறிய கிராமங்களில் பட்டியல் அமைப்பது சற்று சிக்கலாகியுள்ளது.

இதன் காரணமாக 34,929 பிரெஞ்சு நகராட்சிகளில் 23,682 (67%) இடங்களில் ஒரே வேட்பாளர் பட்டியல் மட்டுமே போட்டியிடுகிறது என்று Le Parisien செய்தித்தாள் தெரிவித்துள்ளது.

இந்த நிலைமை சுமார் 15.6 மில்லியன் மக்கள் வசிக்கும் பகுதிகளை பாதிக்கிறது. போட்டி குறைவாக இருப்பதால் வாக்காளர் பங்கேற்பு குறையலாம் என்ற அச்சமும் உள்ளது.

அரசியல் ஆய்வாளர் ரோமேன் பாஸ்கியேர் (CNRS மற்றும் Sciences-Po Rennes ஆராய்ச்சி இயக்குனர்) கூறுவதாவது:

“பிரெஞ்சு மக்கள் இன்னும் மாநகராட்சி தேர்தல்களுக்கு முக்கியத்துவம் அளிக்கிறார்கள். ஆனால் சிலர் ‘முடிவு முன்பே தெரியும்’ என்று நினைத்து வாக்களிக்க வராமல் இருக்கலாம். ஆனால் வழக்கமாக வாக்களிப்பவர்கள் கண்டிப்பாக வருவார்கள்.”

பெரிய நகரங்களில் மாற்றம்

பரிஸ், லியோன், மார்செய் போன்ற பெரிய நகரங்களில், புதிய தேர்தல் முறை காரணமாக வாக்காளர் பங்கேற்பு அதிகரிக்க வாய்ப்பு உள்ளது. அங்கு வாக்காளர்கள் மத்திய நகராட்சி (mairie centrale) க்கு நேரடியாக முதன்முறையாக வாக்களிக்க உள்ளனர்.