சுவிட்சர்லாந்து திடீரென தீப்பற்றி எரிந்த பேருந்து - 06 பேர் பலி

சுவிட்சர்லாந்து  பிரிபொங் மாகாணம், கெர்சர் நகரில் 10.03.2026 மாலை பேருந்தொன்று தீப்பிடித்து எரிந்ததில் 6 பேர் உயிரிழந்துள்ளனர்.

வீதியில் சென்றுகொண்டிருந்த பேருந்தானது திடீரென தீப்பற்றி எரிந்துள்ளது.

தீயானது விரைவாக பேருந்து முழுவதிலும் பரவியதால் பயணிகளால் வெளியில் வர முடியாத சூழ்நிலை ஏற்பட்டுள்ளது.

பேருந்தில் இருந்த 11 பயணிகளில் ஆறு பேர் உயிரிழந்ததோடு, 5 பயணிகள் படுகாயங்களுடன் உயிர் தப்பியுள்ளனர்.

தகவல் அறிந்து சம்பவ இடத்துக்கு விரைந்த தீயணைப்புப் படையினர் தீயைக் கட்டுக்குள் கொண்டு வந்து காயமுற்றவர்களை வைத்தியசாலையில் சேர்த்துள்ளனர்.

பேருந்தில் திடீரென தீப்பற்றியதன் பின்னணியைக் கண்டறிய பொலிஸார் விசாரணைகளை மேற்கொண்டு வருகின்றனர்.