டெல்லிக்கு எதிராக த்ரில் வெற்றி- IPL 2026-ல் முதல் வெற்றியை பெற்ற குஜராத்

டெல்லி அருண் ஜேட்லி மைதானத்தில் நடைபெற்ற TATA IPL 2026 போட்டியில் குஜராத் டைட்டன்ஸ், டெல்லி கேபிடல்ஸை 1 ஓட்டம் வித்தியாசத்தில் வீழ்த்தி, இந்த சீசனின் முதல் வெற்றியை பதிவு செய்தது.

முதலில் பேட்டிங் செய்த டைட்டன்ஸ், கேப்டன் சுப்மன் கில் (70), வாஷிங்டன் சுந்தர் (55), ஜோஸ் பட்லர் (52) ஆகியோரின் அதிரடி அரைசதங்களால் 20 ஓவர்களில் 4 விக்கெட் இழப்பிற்கு 210 ஓட்டங்கள் குவித்தது.

இறுதியில் கிளென் பிலிப்ஸ் 14 ஓட்டங்கள் குவித்து அணியை வலுவான நிலையில் நிறுத்தினார்.

பந்துவீச்சில் ரஷீத் கான் மாயாஜாலம் காட்டினார். அவர் வெறும் 17 ஓட்டங்களுக்கு 3 விக்கெட்டுகளை வீழ்த்தினார். பிரசித் கிருஷ்ணா 2 விக்கெட்டுகளை கைப்பற்றினார்.

சாய் சுதர்சன் நேரடி ஹிட் மூலம் டிரிஸ்டன் ஸ்டப்ஸை ரன்அவுட் செய்தது போட்டியின் திருப்புமுனையாக அமைந்தது.

டெல்லி கேபிடல்ஸ் அணியில் கே.எல். ராகுல் 92 ஓட்டங்கள் எடுத்து தனிப்பட்ட முறையில் அசத்தினார். டேவிட் மில்லர் 41* ஓட்டங்களுடன் கடைசி வரை போராடினார்.

ஆனால், இறுதி ஓவரில் 12 ஓட்டங்கள் தேவைப்பட்ட நிலையில் பிரசித் கிருஷ்ணா அமைதியாக பந்துவீசி, டெல்லியை 209 ஓட்டங்களில் கட்டுப்படுத்தி அணியின் முதல் வெற்றிக்கு முக்கிய காரணமாக அமைந்தார்.

இந்த த்ரில் வெற்றியால் குஜராத் டைட்டன்ஸ் புள்ளிப்பட்டியலில் 6வது இடத்திற்கு முன்னேறியது. ரஷீத் கான் Player of the Match விருதைப் பெற்றார். அடுத்ததாக, டைட்டன்ஸ் லக்னோ சூப்பர் ஜெயன்ட்ஸை எதிர்கொள்ள உள்ளது.