‘TN 2026’ படம் விஜயை மையப்படுத்தி உருவாக்கப்பட்டதா?

தம்பி ராமையாவின் மகன் உமாபதி ராமையா இயக்கத்தில் நட்டி நட்ராஜ் நடித்துள்ள திரைப்படம் ‘TN 2026’. இந்தப் படத்தின் கதையை தம்பி ராமையா எழுதியுள்ளார். கண்ணன் ரவி தயாரித்துள்ள இந்தப் படத்துக்கு தர்புர்கா சிவா இசையமைத்துள்ளார். படத்தில் நட்டி நட்ராஜ், தம்பி ராமையா, எம்.எஸ்.பாஸ்கர், இளவரசு, ஷ்ரிதா ராவ், சாந்தினி தமிழரசன், யாஷிகா ஆனந்த், ரெடின் கின்ஸ்லி, தலைவாசல் விஜய், உள்ளிட்ட பலர் நடித்துள்ளனர்.

இந்தப் படத்தின் ட்ரெய்லர் அண்மையில் வெளியாகி ரசிகர்களின் கவனத்தை ஈர்த்தது. படம் வரும் 10-ம் தேதி திரையரங்குகளில் வெளியாகும் என அறிவிக்கப்பட்டுள்ளது. படத்தின் ட்ரெய்லரை பொறுத்தவரை அதில் நட்டி கதாபாத்திரம் விஜயை மையப்படுத்தி உருவாகியிருப்பதாக ரசிகர்கள் கருத்து தெரிவித்து வருகின்றனர்.
இந்தப் படத்தின் ட்ரெய்லர் அண்மையில் வெளியாகி ரசிகர்களின் கவனத்தை ஈர்த்தது. படம் வரும் 10-ம் தேதி திரையரங்குகளில் வெளியாகும் என அறிவிக்கப்பட்டுள்ளது. படத்தின் ட்ரெய்லரை பொறுத்தவரை அதில் நட்டி கதாபாத்திரம் விஜயை மையப்படுத்தி உருவாகியிருப்பதாக ரசிகர்கள் கருத்து தெரிவித்து வருகின்றனர்.

உச்ச நட்சத்திரம் ஒருவர் அரசியலில் குதிக்கிறார். அவருக்கு ஆதரவாக ரசிகர்கள் ஆர்ப்பரிக்கின்றனர். படத்தில் இருக்கும் கதாபாத்திரங்கள் சில நிஜ அரசியல் தலைவர்களை நினைவுபடுத்துவதாக கமென்ட்ஸ் எழுந்து வருகின்றன. இந்நிலையில் இது தொடர்பாக நடிகர் தம்பி ராமையா அண்மையில் அளித்த பேட்டியில் விளக்கம் கொடுத்துள்ளார்.

“TN2026 படத்தில், ‘படத்தை திரையிடு’ என்ற வசனம் இடம்பெற்றுள்ளது. அப்படியென்றால், அதிலும் ஜனநாயகன் படம் குறித்து பேசியிருக்கிறீர்களா?” என்ற கேள்விக்கு பதிலளித்து தம்பி ராமையா, “இந்தப் படத்தை எடுத்த பல மாதங்கள் ஆகிறது. இதற்கும் அதற்கும் சம்பந்தம் இல்லை. ஆனால், சூழல் இத்துடன் ஒத்துப்போகிறது. நாங்கள் எடுத்தது காட்சியாக வந்திருக்கிறது. அதுதான் ஆச்சரியம்.

10 நாட்கள் முன் நடந்த சம்பவத்தை படமாக்குவதற்கு குறைந்தபட்சம் 3 மாதங்கள் ஆகும். அப்படியென்றால், இப்போது நடக்கும் சம்பவங்களை எப்படி இப்போதே படமாக்க முடியும். வில்லிவாக்கத்தில் ஆதவ் அர்ஜூனா தேர்தல் பிரச்சாரத்தின் போது பாட்டில் ஒன்று வீசப்பட்டது. அதை காட்சிப்படுத்தி படத்தில் சேர்க்க வேண்டுமென்றால் 90 நாட்கள் ஆகும். ஆனால், இது நம் படத்தில் இருக்கிறது.

இதை நாங்கள் எங்கள் குழந்தைப் பருவத்தில் நடந்த சம்பவத்தைத்தான் படத்தில் பதிவு செய்திருக்கிறோம். நாங்கள் படத்துக்காக எடுத்தது, தற்போது சம்பவங்களாக நடைபெறுகிறது. அதனால், அதற்கும் இதற்கும் சம்பந்தம் இல்லை” என அவர் தெரிவித்துள்ளார். ஆனால், நட்டி நட்ராஜின் தோற்றம், நடை, உடை, பாவனை விஜய்யை போலவே இருப்பதாக ரசிகர்கள் கருத்து தெரிவித்து வருகின்றனர்.