ராமாயணா படத்துக்கு வரவேற்பு இருக்குமா?

இந்தியளவில் கடந்த சில ஆண்டுகளாக ஆன்மிக படங்கள், தெய்வ நம்பிக்கையை சொல்லும் கதைகள், புராண படங்கள், நாட்டுப்பற்று பேசும் படங்கள் அதிகம் வருகின்றன. அந்த படங்களில் சில படங்கள் தமிழகத்திலும் ஹிட்டாகி உள்ளன. குறிப்பாக, காந்தாரா இரண்டு பாகங்களும் தமிழகத்தில் வெற்றி. அதேபோல், ஹனுமன், மகாஅவதார் நரசிம்மா படங்களும் பேசப்பட்டன. இங்கு வசூலை பெற்றன.

இந்த தீபாவளிக்கு ரன்பீர் கபூர், சாய் பல்லவி நடித்த ராமாயணா படம் இந்தியா முழுக்க வருகிறது. இதில் கேஜிஎப் யஷ் ராவணனாகவும், ரவிதுபே லட்சுமணராகவும், சன்னி தியோல் ஆஞ்சநேயராகவும் வருகிறார்கள். நமித் மல்கோல்த்ரா தயாரிக்க, நிதேஷ்திவாரி இயக்கி உள்ளார். ஏ.ஆர்.ரஹ்மானும், ஹன்ஸ்சிம்மர் இணைந்து இசையமைத்துள்ளனர்.

தற்போது இந்த படத்தின் முன்னோட்ட வீடியோ வெளியாகி உள்ளது. அதில் ராமர் தொடர்புடைய காட்சிகள் அதிகம் இடம் பெற்றுள்ளன. முதற்பாகம் இந்த தீபாவளிக்கும், அடுத்தபாகம் அடுத்த தீபாவளிக்கும் வர இருக்கிறது.

எட்டுமுறை ஆஸ்கர் விருது வென்ற டிஎன்இஜி, மான்ஸ்டர் மைன்ட், பிரைம்போகஸ் இணைந்து இந்த படத்தை தயாரிக்கின்றன. தமிழிலும் டப்பாகும் என தெரிகிறது. ராமாயணம் சம்பந்த்பட்ட கதைக்கு எப்போதும் வரவேற்பு உண்டு. ராமாயணா தமிழில் ஹிட்டாகுமா என்பது தீபாவளி காலத்தில் தெரிந்துவிடும்.