பிரபல தொலைத்தொடர்பு நிறுவனத்தின் சேவை தடைப்பட்டது!

பிரபல தொலைத்தொடர்பு நிறுவனம் ஒன்றின் இணையம், தொலைபேசி, தொலைக்காட்சி சேவைகள் தடைப்பட்டுள்ளதாக தெரிவிக்கப்படுகிறது.

Free நிறுவனத்தின் தொலைக்காட்சி சேவைகளே இன்று பெப்ரவரி 4 புதன்கிழமை தடைப்பட்டுள்ளது. தொலைக்காட்சி சேவைகள் அனைத்து தளங்கள் வாயிலாகவும் தடைப்பட்டுள்ளதாகவும், மீளுருவாகப்பணிகள் துரித கதியில் இடம்பெற்று வருவதாகவும் தெரிவிக்கப்படுகிறது.

அத்தோடு, 41% சதவீதமான கம்பி வழி இணைய சேவைகளும், 11% சதவீதமான கம்பியற்ற தொலைத்தொடர்பு சேவைகளும் தடைப்பட்டுள்ளதாக அறிவிக்கப்பட்டுள்ளது.

சந்தாதாரர்கள் பொறுமையை கடைப்பிடிக்கவேண்டும் எனவும், அவர்களிடம் வருந்துவதாகவும் Free நிறுவனம் கோரியுள்ளது.