Arrêt de travail-இல் உள்ளவர்களுக்கு வீடியோ மூலம் கண்கானிப்பு!!

Assurance Maladie இப்போது வேலை நிறுத்தத்தில் (arrêt de travail) உள்ளவர்களை தொலைவிலிருந்து வீடியோ காட்சி (visioconférence) மூலம் பரிசோதிக்க முடியும். டிசம்பர் 1 முதல் அமுல்படுத்தப்பட்ட இந்த முறை, மோசடிகளை தடுப்பதுடன், உடல்நிலையை சரிபார்ப்பதை எளிதாக்கும் நோக்கத்தைக் கொண்டது. 

முன்பாக நேரடியாக அலுவலகத்திற்கு வரச் சொல்லவோ அல்லது ஆலோசனை மருத்துவரை வீட்டிற்கு அனுப்பவோ செய்தனர்; இப்போது வீடியோ சந்திப்பு ஒரு புதிய மாற்றமாகும். இந்த முறை முதலில் Normandie, Occitanie மற்றும் Bourgogne-Franche-Comté பகுதிகளில் சோதிக்கப்பட்டது. 85% பேர் இதற்கு ஆதரவாக இருந்ததால், 2025 இறுதியில் இது நாடு முழுவதும் விரிவுபடுத்தப்பட்டது. 

Service-Public.fr தகவலின்படி, இது வேலை நிறுத்தம் மட்டுமல்லாமல் வேலை விபத்து, தொழில்சார் நோய் மற்றும் சில மாற்றுத் திறனாளி கோரிக்கைகளுக்கும் பயன்படுத்தப்படுகிறது. சோதனைக்கு முன் மின்னஞ்சல் மற்றும் SMS மூலம் அழைப்பு அனுப்பப்படும் (ameli கணக்கில் உள்ள தகவல்களைப் பயன்படுத்தி). நியமிக்கப்பட்ட நாளில், காப்பீட்டாளர் ஸ்மார்ட்போன் அல்லது கணினி மூலம் ஆலோசனை மருத்துவருடன் இணைவார். 

வீடியோ முறையை நிராகரிக்க விரும்பினால், நேரடி சந்திப்பு வழங்கப்படும். பரிசோதனைக்குப் பிறகு, மருத்துவர் வேலை நிறுத்தம் நியாயமானதா என்பதை தீர்மானிப்பார்; தேவையற்ற கொடுப்பனவுகள் பெறப்பட்டிருந்தால், Assurance Maladie திருப்பிச் செலுத்துமாறு கோரலாம்.