IPL 2026 - மீண்டும் களமிறங்கும் தோனி., படைக்கவிருக்கும் 3 சாதனைகள்

இந்திய பிரீமியர் லீக் (IPL) 2026-இல் சென்னை சூப்பர் கிங்ஸ் (CSK) அணிக்காக மீண்டும் விளையாட உள்ளார் முன்னாள் இந்திய கேப்டன் எம்.எஸ். தோனி.

மினி ஏலத்திற்கு முன் CSK, தோனியை 4 கோடி ரூபாய்க்கு தக்க வைத்துள்ளது.

தோனி, 19-வது IPL சீசனில் பங்கேற்க இருப்பது உறுதி செய்யப்பட்ட நிலையில், அவர் எத்தனை போட்டிகளில் விளையாடுவார் என்பது இன்னும் தெளிவாகவில்லை.

CSK, சஞ்சு சாம்சனை அணியில் சேர்த்துள்ளதால், விக்கெட் கீப்பராக அவர் முதன்மை தேர்வாக இருக்கலாம். இருப்பினும், தோனி சில முக்கிய சாதனைகளை அடைய வாய்ப்பு உள்ளது.

CSK-க்கு 5000 ஓட்டங்கள்: தற்போது தோனி 4865 ஓட்டங்கள் எடுத்துள்ளார். மேலும் 135 ஓட்டங்கள் எடுத்தால், CSK சார்பில் 5000 ஓட்டங்கள் எட்டிய முதல் வீரராக மாறுவார்.

250 போட்டிகள்: CSK சார்பில் 248 போட்டிகளில் விளையாடியுள்ளார். இன்னும் இரண்டு போட்டிகளில் களமிறங்கினால், 250 போட்டிகள் விளையாடிய முதல் வீரராக வரலாற்றில் இடம்பிடிப்பார்.

விக்கெட் கீப்பராக 5500 ஓட்டங்கள்: IPL-இல் தோனி 5439 ஓட்டங்கள் எடுத்துள்ளார். மேலும் 61 ஓட்டங்கள் எடுத்தால், IPL வரலாற்றில் 5500 ஓட்டங்கள் எடுத்த முதல் முழுநேர விக்கெட் கீப்பராக சாதனை படைப்பார்.

இந்த சாதனைகள், தோனியின் IPL பயணத்தை மேலும் சிறப்பாக்கும். CSK ரசிகர்கள், 2026 சீசனில் அவரின் பங்களிப்பை ஆவலுடன் எதிர்பார்த்து வருகின்றனர்.