AI உச்சி மாநாட்டில் 88 நாடுகள் அளித்த ஒப்புதல்

புதுடெல்லியில் நடைபெற்ற AI உச்சி மாநாட்டில், அமெரிக்கா, பிரித்தானியா, சீனா, பிரேசில், அவுஸ்திரேலியா உள்ளிட்ட 88 நாடுகள் இணைந்து “AI Summit Declaration” எனப்படும் முக்கிய அறிவிப்பை ஒப்புதல் அளித்துள்ளன.

இந்த அறிவிப்பு, செயற்கை நுண்ணறிவை (AI) பொருளாதார வளர்ச்சி மற்றும் சமூக நலனுக்காக பயன்படுத்துவதில் உலகளாவிய ஒற்றுமையை வலியுறுத்துகிறது.

“வசுதைவ குடும்பகம்” என்ற இந்திய பாரம்பரியக் கொள்கையை அடிப்படையாகக் கொண்டு, AI-யின் நன்மைகள் மனிதகுலம் முழுவதும் சமமாக பகிரப்பட வேண்டும் என வலியுறுத்தப்பட்டுள்ளது.

அறிவிப்பு ஏழு முக்கிய தூண்கள் (Chakras) அடிப்படையில் அமைந்துள்ளது:

AI வளங்களை அனைவருக்கும் கிடைக்கச் செய்வது

பொருளாதார வளர்ச்சி மற்றும் சமூக நன்மை

பாதுகாப்பான மற்றும் நம்பகமான AI

அறிவியல் முன்னேற்றத்திற்கான AI

சமூக வலிமை பெறும் வகையில் அணுகல்

மனித வள மேம்பாடு

புதுமையான மற்றும் திறமையான AI அமைப்புகள்

இந்திய மின்னணு மற்றும் தகவல் தொழில்நுட்ப அமைச்சகம் (MeitY) தெரிவித்ததாவது: “AI-யின் நன்மைகள் அனைவருக்கும் சென்றடைய வேண்டும். இதற்காக நாடுகள் தன்னார்வ அடிப்படையில், சட்டங்களுக்கு மதிப்பளித்து, உலகளாவிய ஒத்துழைப்பை வலுப்படுத்த வேண்டும்.”

இந்த மாநாடு, நீண்டகால சர்வதேச கூட்டாண்மைகளை ஊக்குவித்து, AI-யை உலகளாவிய பொருளாதார வளர்ச்சியின் முக்கிய இயக்கியாக மாற்றும் என எதிர்பார்க்கப்படுகிறது.

குறிப்பாக, வளர்ந்து வரும் நாடுகளுக்கு அடிப்படை AI திறன்களை விரிவுபடுத்துவது முக்கிய இலக்காக அறிவிப்பில் வலியுறுத்தப்பட்டுள்ளது.