கணவன் மனைவிகிட்டயும் மனைவி கணவன் கிட்டயும் கேட்க வேண்டிய 5 கேள்விகள் என்ன தெரியுமா..?

நீங்கள் காதல், நட்புனு ஏதாவது ஒரு ரிலேஷன்ஷிப்ல இருக்கீங்கன்னா உங்களோட பார்ட்னர்கிட்ட கேட்க வேண்டிய ஐந்து முக்கியமான கேள்விகள் இருக்கின்றன. 

அந்த கேள்விகள் என்ன, அதை வைத்து எப்படி உங்கள் ரிலேஷன்ஷிப்பை அர்த்தமுள்ளதாக எப்படி மாற்றலாம் என்றும் கண்டன்ட் கிரியேட்டர் லைஃப் கோச் ஆல்ஃப்ரெட் ஜோஸ்வா சில விஷயங்களை குறிப்பிடுகிறார்.

கணவன், மனைவி எவ்வளவு புரிதலுடன் இருந்தாலும் அவ்வப்போது இருவரும் தங்களுக்குள் இருக்கும் compatability ஐ பரிசோதனை செய்து கொள்ள வேண்டியது முக்கியம். அதற்காக சில கேள்விகளை இருவரும் தங்களுக்குள்ளும் கேட்க வேண்டும், பாட்னரிடமும் கேட்க வேண்டும். அப்படிப்பட்ட ஐந்து விஷயங்கள் பற்றி தான் இங்கு பார்க்கப் போகிறோம்.

உறவுகளில் சிக்கல் இல்லாமல் இருக்க என்ன செய்ய வேண்டும்?

உறவுகளில் பலவிதம் உண்டு. அதில் ஆண் பெண் உறவுகளில் நட்பு, காதல், கணவன் மனைவி, பெஸ்டி என பல விதமான உறவுகள் இருக்கின்றன.

இவற்றில் குறிப்பாக காதல், திருமணம் சார்ந்த உறவுகளில் சிக்கல் இல்லாமல், மகிழ்ச்சியாக இருக்க வேண்டும் என்றால் அதற்கு நீங்கள் உங்கள் பாட்னரிடம் சில விஷயங்களை மனம் திறந்து கேட்க வேண்டும்.

அப்படி கேட்க வேண்டிய ஐந்து முக்கியமான கேள்விகள் பற்றி தான் இங்கு பார்க்கப் போகிறோம்.

தனிமையை உணர்தல்

இந்த பிரச்சனை நிறைய ஜோடிகளிடம் இருக்கிறது. இருவரும் ஒன்றாகத்தான் இருப்பார்கள். ஆனால் மனதளவில் ஒன்றி இருக்க மாட்டார்கள். அது வெளியில் தெரியவே தெரியாது. சொன்னால் தான் தெரியும்.

அதனால் உங்கள் பாட்னரிடம் நான் கூடவே இருந்தும் எப்போதாவது நீங்கள் தனியாக இருப்பதாக உணர்ந்து இருக்கிறீர்களா என்று கேளுங்கள்

புரிந்து கொள்ள வேண்டிய விஷயம் இருக்கிறதா?

நீ என்னை நன்றாக புரிந்து கொண்டு இருக்கிறாய். நான் உன்னை நன்றாக புரிந்து கொண்டு இருக்கிறேன் என்று தான் நினைத்துக் கொண்டு இருக்கிறேன்.

அது சரியாகவும் இருக்கலாம் இல்லாமலும் இருக்கலாம். ஒருவேளை நான் உன்னை இன்னும் ஏதாவது ஒரு விஷயத்தில் புரிந்து கொள்ள வேண்டும் என்றால் அது எந்த விஷயத்தில்? இந்த விஷயத்தில் நீ என்னை இன்னும் புரிந்து கொண்டால் நன்றாக இருக்கும் என்று நினைத்தால் அது எந்த விஷயம் என்று கேட்கலாம்.

நான் என் தனிப்பட்ட விஷயத்திலும் சரி வேலை, வீடு என எல்லா விஷயங்களிலும் புதிதாக நான் ஏதாவது முயற்சி செய்தால் அதை நீ பாராட்டுகிறாய். பக்க துணையாக இருக்கிறாய்.

அதுபோல உன்னை, நீ செய்யும் விஷயங்களை நான் மறக்காமல் போதுமான அளவுக்கு அங்கீகாரம் செய்கிறேனா பாராட்டுகிறேனா என்று சொல் என கேட்கலாம்

​கணவன் மனைவி கேட்டுக் கொள்ள வேண்டிய 5 கேள்விகள்

ஏதாவது புதிய விஷயத்தை செய்ய வேண்டுமா?

பொதுவாக தனித்தனியாக செய்ய வேண்டிய வேலைகளைத் தவிர, மற்ற எந்த விஷயமாக இருந்தாலும், நாம் இருவரும் சம்பந்தப்பட்ட விஷயமாக இருந்தால் அதை இரண்டு பேரும் சேர்ந்து தான் செய்கிறோம்.

ஆனால் நமக்கே தெரியாமல் விடுபட்ட ஏதாவது விஷயத்தை இருவரும் சேர்ந்து செய்ய வேண்டி இருக்கிறதா என்கிற கேள்வியைக் கேளுங்கள்.

என்ன மிஸ் ஆகிறது என்கிற கேள்வி

எந்த வகை உறவாக இருந்தாலும் அது 100 சதவீதம் முழுமையானது, நிறைவானது என்று சொல்லி விட முடியாது. ஏனென்றால் எது முழுமை என்கிற கேள்வி ரிலேஷன்ஷிப்பில் நபருக்கு நபர் வேறுபடும்.

நிறைவு என்பது தனிநபர் சார்ந்தது. அதனால் நீங்கள் எல்லாமே உங்கள் பாட்னருக்கு கொடுக்கிறீர்கள் என்று நினைத்துக் கொண்டிருக்கலாம். ஆனால் அவர் வேறு எதையாவது எதிர்பார்த்துக் கொண்டு இருக்கலாம்.

அதனால் உங்கள் பாட்னரிடம் நம்ம ரெண்டு பேருக்கு இடையிலே, நம்ம ரிலேஷன்ஷிப்ல ஏதாவது மிஸ் ஆனுதுனு தோணுதா என்கிற கேள்வியை கேளுங்கள்.