ஈரானில் தொடரும் போராட்டம் - ஸ்தம்பித நாடு!

ஈரானில் அதிகரித்து வரும் பணவீக்கத்தைக் கண்டித்து போராட்டங்கள் தொடர்ந்து நீடித்து வருகின்றது.

இந்நிலையில் நாடு ஸ்தம்பிதம் அடைந்துள்லதாக சர்வதேச தகவல்கள் தெரிவிக்கின்றன.

போராட்டத்தில் , 05 எதிர்ப்பாளர்கள் மற்றும் பாதுகாப்புப் படையைச் சேர்ந்த ஒருவர் உட்பட குறைந்தது ஆறு பேர் உயிரிழந்துள்ளதாக அதிகாரிகள் தெரிவித்தனர்.

தென்மேற்கு ஈரானில் உள்ள லார்டேகன் நகரில் போராட்டக்காரர்களுக்கும் பாதுகாப்புப் படையினருக்கும் இடையே நடந்த மோதல்களில் இரண்டு பேர் உயிரிழந்துள்ளதாக அந்நாட்டு ஊடகங்கள் தெரிவித்துள்ளன.

அஸ்னாவில் மேலும் மூன்று பேரும், கோஹ்தாஷ்டில் ஒருவரும் கொல்லப்பட்டதாக ஃபார்ஸ் செய்தி வெளியிட்டுள்ளது. போராட்டக்காரர்களுக்கும் பாதுகாப்புப் படையினருக்கும் இடையிலான மோதல்களின் போது கார்கள் தீக்கிரையாக்கப்பட்டுள்ளதாக தெரிவிக்கப்படுகிறது.

நாட்டின் உயர் ஆட்சியை முடிவுக்குக் கொண்டுவர பல போராட்டக்காரர்கள் அழைப்பு விடுத்துள்ளனர். சிலர் முடியாட்சிக்குத் திரும்பவும் அழைப்பு விடுத்துள்ளனர்.

மேற்கு லோரெஸ்தான் மாகாணத்தில் உள்ள கோஹ்தாஷ்ட் நகரில் புதன்கிழமை இரவு போராட்டக்காரர்களுடனான மோதல்களில் ஈரானின் புரட்சிகர காவல்படையுடன் (IRGC) தொடர்புடைய பாதுகாப்புப் படையைச் சேர்ந்த ஒருவர் கொல்லப்பட்டதாக தனி அரசு ஊடகங்கள் தெரிவித்தன.

மேலும் 13 பொலிஸ் அதிகாரிகள் மற்றும் பாசிஜ் உறுப்பினர்கள் அப்பகுதியில் கல் வீச்சில் காயமடைந்ததாக அரசு ஊடக அறிக்கை தெரிவித்துள்ளது

அமைதியின்மையைத் தணிக்கும் முயற்சியாக அதிகாரிகளால் வங்கி விடுமுறை அறிவிக்கப்பட்டதைத் தொடர்ந்து புதன்கிழமை நாடு முழுவதும் பாடசாலைகள், பல்கலைக்கழகங்கள் மற்றும் பொது நிறுவனங்கள் மூடப்பட்டன.