அவதானம்: விசம் காரணமாக சாடின் மீன்கள் மீளப்பெறப்படுகிறது!!

பிரான்ஸ் முழுவதும் Carrefour மற்றும் Leclerc கடைகளில் விற்கப்பட்ட El Manar நிறுவனத்தின் ஒலிவ் எண்ணெயில் பாதுகாக்கப்பட்ட சாடின் மீன்கள் (Sardines) மீளப்பெறப்படுகின்றன. இதில் ஹிஸ்டமின் (histamine) அளவு அதிகமாக (200 mg/kg-ஐ விட) இருப்பதால் உணவு விஷமாகும் அபாயம் உள்ளது. 

இந்த 125 கிராம் டின் மீன்கள் ஜனவரி 5 முதல் 21 வரை விற்பனை செய்யப்பட்டுள்ளன. தொடர்புடைய தொகுதி (lot) எண் 337/25, GTIN குறியீடு 6194029100323 ஆகும். குறைந்தபட்ச பயன்பாட்டு திகதி 2 டிசம்பர் 2030 வரையாகும்.

இந்த சாடின் மீன்களை உட்கொள்ள வேண்டாம் என நுகர்வோருக்கு அறிவுறுத்தப்படுகிறது. அதிக ஹிஸ்டமின் காரணமாக தலைவலி, வாந்தி, வயிற்றுப்போக்கு அல்லது கடுமையான உடல் பாதிப்பு ஏற்படலாம். குறிப்பாக ஒவ்வாமை உள்ளவர்களுக்கு மூச்சுத் திணறல் போன்ற தீவிர சுவாசக் கோளாறுகள் கூட ஏற்படலாம். அறிகுறிகள் தோன்றினால் உடனடியாக அவசர சிகிச்சை பெற வேண்டும். மார்ச் 21 வரை கடைகளில் பணத்தை திரும்ப பெற்றுக் கொள்ள முடியும்.