ஜப்பான் முன்னாள் பிரதமர் கொலை வழக்கு - குற்றவாளிக்கு ஆயுள் சிறைத் தண்டனை

ஜப்பான் முன்னாள் பிரதமர் ஷின்சோ அபே கொலை வழக்கில், குற்றவாளி டெட்சுயா யமகாமிக்கு நீதிமன்றம் ஆயுள் சிறைத் தண்டனை விதித்துள்ளது.

2022 ஜூலை மாதம், நாரா நகரில் தேர்தல் பிரச்சார நிகழ்ச்சியில் அபே மீது துப்பாக்கிச் சூடு நடத்தபட்டதில், அவர் உயிரிழந்த சம்பவம் உலகளவில் அதிர்ச்சியை ஏற்படுத்தியது.

நீதிமன்றம், யமகாமி திட்டமிட்ட முறையில் தாக்குதல் நடத்தியதை உறுதிப்படுத்தியது.
அவர், தனது குடும்பம் யுனிபிகேஷன் சர்ச்சின் நிதி மோசடியில் பாதிக்கப்பட்டது என்ற காரணத்தால் அபே மீது வெறுப்பு கொண்டதாகவும், அதனால் இந்தக் கொலை நடந்ததாகவும் விசாரணையில் தெரியவந்தது. 

இந்த தீர்ப்பு, ஜப்பானில் அரசியல் தலைவர்களின் பாதுகாப்பு நடைமுறைகள் குறித்து பெரும் விவாதத்தை கிளப்பியுள்ளது.

அபே, ஜப்பானின் நீண்டகால பிரதமராக இருந்து, பொருளாதார சீர்திருத்தங்கள் மற்றும் பாதுகாப்பு கொள்கைகளில் முக்கிய பங்கு வகித்தவர். அவரது மரணம், ஜப்பான் அரசியலில் பெரும் வெற்றிடத்தை ஏற்படுத்தியது. 

யமகாமிக்கு மரண தண்டனை வழங்கப்படுமா என்ற கேள்வி எழுந்திருந்த நிலையில், நீதிமன்றம் ஆயுள் சிறை தண்டனையைத் தெரிவு செய்தது.

இது, ஜப்பானின் சட்ட அமைப்பில் மனிதாபிமான அணுகுமுறையை பிரதிபலிப்பதாகக் கருதப்படுகிறது.