Apple-Google AI ஒப்பந்தம்: Siri-யுடன் Gemini இணைக்க திட்டம்

உலகின் முன்னணி தொழில்நுட்ப நிறுவனங்களான Apple மற்றும் Google, செயற்கை நுண்ணறிவு (AI) துறையில் மிகப்பெரிய ஒப்பந்தத்தை அறிவித்துள்ளன.

இந்த பல ஆண்டுகள் நீடிக்கும் கூட்டாண்மை மூலம், Apple-ன் அடுத்த தலைமுறை AI அம்சங்கள், குறிப்பாக Siri chatbot, Google-ன் Gemini AI மாடல்களை அடிப்படையாகக் கொண்டு இயங்கவுள்ளது.

Apple இதுவரை தனது முக்கிய தொழில்நுட்பங்களை உள்ளகமாகவே உருவாக்கி வந்தது.

ஆனால் இப்போது, Google-ன் AI திறன்கள் தான் Apple-ன் Foundation Models-க்கு மிகச் சிறந்த அடித்தளமாக இருக்கும் என நிறுவனம் தெரிவித்துள்ளது. ஷ

“Google-ன் AI தொழில்நுட்பம் Apple பயனர்களுக்கு புதிய அனுபவங்களை வழங்கும்” என இரு நிறுவனங்களும் கூட்டு அறிக்கையில் குறிப்பிட்டுள்ளன.

இந்த ஒப்பந்தம், AI துறையில் போட்டியை மேலும் தீவிரப்படுத்தும் வகையில் பார்க்கப்படுகிறது.

Apple, தனது சாதனங்களில் Siri-யை மேம்படுத்தி, பயனர்களுக்கு வேகமான, புத்திசாலித்தனமான, மற்றும் தனிப்பட்ட அனுபவங்களை வழங்கும் என எதிர்பார்க்கப்படுகிறது.

Google-ன் Gemini, தற்போது உலகின் முன்னணி AI மாடல்களில் ஒன்றாகக் கருதப்படுகிறது. இதனை Apple தனது iPhone, iPad, Mac போன்ற சாதனங்களில் ஒருங்கிணைத்தால், பயனர்களுக்கு அடுத்த தலைமுறை AI அனுபவம் கிடைக்கும்.