மெக்சிகோவில் ரயில் விபத்து - 13 பேர் பலி

தென் மெக்சிகோவில் 250 பேரை ஏற்றிச் சென்ற ரயில் தடம் புரண்டதில் 13 பேர் உயிரிழந்ததுடன், 98 பேர் காயமடைந்துள்ளதாக சர்வதேச ஊடகங்கள் செய்தி வெளியிட்டுள்ளன.

ஓக்ஸாக்கா மற்றும் வெராக்ரூஸ் மாநிலங்களுக்கு இடையே பயணிக்கும் குறித்த ரயில் ஞாயிற்றுக்கிழமை 28.12.2025 நிசாண்டா நகரத்திற்கு அருகிலுள்ள ஒரு வளைவு பகுதியில் சென்றுகொண்டிருந்த போது தடம் புரண்டதாக சர்வதேச ஊடகங்கள் செய்தி வெளியிட்டுள்ளன.

தடம் புரண்ட ரயிலில் 9 பணியாளர்கள் மற்றும் 241 பயணிகள் என மொத்தம் 250 பேர் பயணித்துள்ளனர்.

இவர்களில் 139 பேர் அபாய நிலையிலிருந்து மீண்டுள்ளதாகவும், காயமடைந்த 98 பேரில் 36 பேர் மருத்துவ சிகிச்சை பெற்று வருவதாகவும் தெரிவிக்கப்பட்டுள்ளது.