விஜய் குரலில், 'ஜனநாயகன்' படத்தின் மூன்றாவது பாடல் நாளை வெளியாகிறது

விஜய் நடிப்பில், உருவாகியுள்ள திரைப்படம் 'ஜன நாயகன்'.இத்திரைப்படம் எதிர்வரும் பொங்கலுக்கு திரைக்கு வரவுள்ளது.குறித்த திரைப்படத்தில் பூஜா ஹெக்டே, மமிதா பைஜு, பிரியாமணி, பாபி தியோல், கௌதம் வாசுதேவ் மேனன், நரேன் ஆகியோர் நடித்துள்ளனர்.

அனிருத் இத்திரைப்படத்திற்கு இசையமைத்துள்ளார்.சமீபத்தில் இத்திரைப்படத்தின் பாடல்களான "தளபதி கச்சேரி", 'ஒரே பேரே வரலாறு' ஆகியவை வெளியாகி ரசிகர்களிடையே நல்ல வரவேற்பைப் பெற்றது.

இந்தநிலையில், 'ஜன நாயகன்' திரைப்படத்தின் 3ஆவது பாடல் குறித்து அறிவிப்பு வெளியாகியுள்ளது.இதற்கமைய பாடலாசிரியர் விவேக்கின் வரிகளில் அனிருத் இசையில் தளபதி விஜய் பாடியுள்ள 'செல்ல மகளே' பாடல் நாளை வெளியாகும் என படக்குழு அறிவித்துள்ளது.