கிறிஸ்துமஸ் பிளம் கேக்

கிறிஸ்மஸ் பண்டிகை என்றாலே பாரம்பரியமாக உலர் பழங்களை ரம், பிராந்தி அல்லது ஒயின் போன்ற ஆல்கஹால்களில் பல மாதங்கள் முதல் பல ஆண்டுகள் வரை ஊறவைத்து, அதனை கொண்டு பழ கேக் தயாரிப்பது வழக்கம். ஆனால் இதில் ஆல்கஹால் கலந்திருப்பதால், குழந்தைகளுக்கு அந்த கேக்கை கொடுப்பதில் பெற்றோர்கள் தயக்கம் காட்டி வருகின்றனர்.இதனை கருத்தில் கொண்டு, குழந்தைகளின் ஆரோக்கியத்தை கவனத்தில் வைத்துக் கொண்டு, ஆல்கஹால் சேர்க்காமல், அச்சு அசலான கிறிஸ்மஸ் பிளம் கேக்கின் சுவையில் வீட்டிலேயே நான்-ஆல்கஹால் கிறிஸ்மஸ் கேக் தயாரிக்க முடியும்.

தேவையான பொருட்கள்: கோதுமை மாவு – 220 கிராம், வெண்ணெய் – 220 கிராம், நாட்டு சர்க்கரை – 220 கிராம், முட்டை – 3, வெண்ணிலா எசன்ஸ் – 1 ஸ்பூன், பேக்கிங் சோடா – 1 ஸ்பூன், உப்பு – ½ ஸ்பூன், ஏலக்காய், கிராம்பு, பட்டை அரைத்த பொடி – 1 ஸ்பூன், உலர் பழங்கள் & நட்ஸ், பேரீச்சம்பழம், மஞ்சள் திராட்சை, கருப்பு திராட்சை, செர்ரி, கிரான்பெர்ரி, நீல பெர்ரி, பிளம், கிவி, பாதாம், முந்திரி, வால்நட்ஸ், மாம்பழத் துண்டுகள் – தேவையான அளவு எடுத்து கொள்ள வேண்டும்.

முதலில் அடுப்பில் ஒரு பாத்திரத்தை வைத்து, சிறு துண்டுகளாக நறுக்கிய அனைத்து உலர் பழங்கள் மற்றும் நட்ஸ்களை சேர்க்க வேண்டும். இதனுடன் ஆல்கஹாலுக்கு மாற்றாக தேவையான அளவு ஆரஞ்சு சாறை சேர்த்து, லேசாக மசித்து, நன்றாக கிளறி ஆறவைத்து தனியாக வைத்துக் கொள்ள வேண்டும்.<span style="color: currentcolor;">அடுத்து, ஒரு பாத்திரத்தில் முட்டைகளை உடைத்து, அதில் வெண்ணெய் மற்றும் நாட்டு சர்க்கரையை சேர்த்து நன்றாக கலக்க வேண்டும். இதே நேரத்தில், கோதுமை மாவுடன் உப்பு, வெண்ணிலா எசன்ஸ், ஏலக்காய்-கிராம்பு-பட்டை பொடி மற்றும் பேக்கிங் சோடாவை சேர்த்து சலித்து வைத்துக் கொள்ள வேண்டும். </span>

பின்னர், மாவு கலவையில் முட்டை கலவையும், ஆற வைத்த உலர் பழங்களையும் சேர்த்து மெதுவாக கலந்து, நன்றாக மேஷ் செய்ய வேண்டும். தயாரான மாவை கேக் டின் அல்லது ஓவனில் வைத்து, 160°C முதல் 170°C வரை குறைந்த வெப்பநிலையில் மெதுவாக சுட்டெடுத்தால், சுவை மிகுந்த  கிறிஸ்மஸ் பிளம் கேக் தயார்.