2026 பாதீட்டு தள்ளுபடி - அரசாங்க இராஜினாமா-நாடாளுமன்ற கலைப்பு கோரிக்கை!

2026 ஆம் ஆண்டிற்கான பிரெஞ்சு அரசின் நிதியாண்டு வரவு-செலவுத் திட்டம் நாடாளுமன்றத்தில் முதல் வாசிப்பிலேயே தள்ளுபடி செய்யப்பட்டுள்ளது. இதைத் தொடர்ந்து, தேசியப் பேரணியின் (RN) தலைவி மரின்-லூ-பென் பிரான்ஸ் அரசாங்கம் பதவி விலக வேண்டுமென்றும்  , நாடாளுமன்றத்தைக் கலைக்கும்படியும் கோரிக்கை விடுத்துள்ளார்.

முக்கிய நிகழ்வுகள்:

நவம்பர் 21-22 இரவு நாடாளுமன்றத்தில் பிரேரிக்கப்பட்ட  நிதியாண்டு வரவு செலவுத் திட்டம் நிராகரிக்கப்பட்டுள்ளது.
404 உறுப்பினர்கள் எதிர்ப்பு வாக்குகள் (ஒரே ஒரு ஆதரவு வாக்கு) பதிவு செய்யப்பட்டுள்ளது.
அரசின் முழு திட்டமும் மேலவைக்கு அனுப்பப்படும்

அரசியல் நிலைப்பாடுகள்:

மரின்-லூ-பென்: 'அரசாங்கம் பதவி விலகி, நாடாளுமன்றம் கலைக்கப்பட வேண்டும்'
இடதுசாரிக் கட்சிகள்: ஒருமனதாக எதிர்ப்பு
அரசு கூட்டணி: பிளவு - எதிர்ப்பு மற்றும் வாக்கெடுபபில் கலந்துகொள்ளாமை

வரலாற்று முக்கியத்துவம்:
முதன் முறையாக நிதியாண்டு வரவு செலவுத் திட்டம் இந்த அளவு ஒருமித்த எதிர்ப்பை சந்தித்துள்ளது. வரவு பகுதி நிராகரிக்கப்பட்டதால், செலவு பகுதி கூட விவாதிக்கப்படவில்லை.

அடுத்த கட்ட நடவடிக்கைகள்:

நிதியாண்டு திட்டம் இப்போது மேலவைக்கு (Sénat) அனுப்பப்படும்
அரசியல் நெருக்கடி மோசமடையும் சாத்தியம் எதிர்ப்பார்க்கப்படுகின்றது.
ஜனாதிபதி மக்ரோன் முக்கிய முடிவுகளை எடுக்க நேரிடும்

இந்த நிராகரிப்பு, பிரெஞ்சு அரசியலில் தொடர்ந்து நீடிக்கும் அரசியல் முறுகல் நிலையை மீண்டும் எடுத்துக்காட்டுகிறது.