கடைசி பந்தில் ஹோல்டர் அடித்த பவுண்டரி! இரட்டை ஹாட்ரிக் தோல்விகள்..முதல் வெற்றி

பாகிஸ்தான் அணிக்கு எதிரான 2வது டி20 போட்டியில் மேற்கிந்திய தீவுகள் த்ரில் வெற்றி பெற்றது.

மேற்கிந்திய தீவுகள் மற்றும் பாகிஸ்தான் அணிகளுக்கு இடையிலான இரண்டாவது டி20 போட்டி புளோரிடாவில் நடந்தது.

முதலில் ஆடிய பாகிஸ்தான் 9 விக்கெட்டுக்கு 133 ஓட்டங்கள் எடுத்தது. ஹசன் நவாஸ் 23 பந்துகளில் 4 சிக்ஸர்களுடன் 40 ஓட்டங்கள் விளாசினார்.

ஜேசன் ஹோல்டர் (Jason Holder) 4 விக்கெட்டுகளும், மோட்டி 2 விக்கெட்டுகளும், ஹொசைன், ஷாமர் மற்றும் சேஸ் தலா ஒரு விக்கெட்டும் கைப்பற்றினர்.

பின்னர் ஆடிய மேற்கிந்திய தீவுகள் அணி 20 ஓவரில் 8 விக்கெட்டுக்கு 135 ஓட்டங்கள் எடுத்து வெற்றி பெற்றது.

மேற்கிந்திய தீவுகளின் வெற்றிக்கு கடைசி பந்தில் வெற்றிக்கு 3 ஓட்டங்கள் தேவைப்பட்ட நிலையில், ஹோல்டர் பவுண்டரி அடித்து வெற்றி பெற வைத்தார்.

அதிகபட்சமாக மோட்டி 28 (20) ஓட்டங்களும், ஷை ஹோப் 21 ஓட்டங்களும் எடுத்தனர். முகமது நவாஸ் 3 விக்கெட்டுகளும், சைம் அயூப் 2 விக்கெட்டுகளும் வீழ்த்தினர்.

தொடர்ச்சியாக 6 டி20 போட்டிகளில் தோல்வியுற்ற மேற்கிந்திய தீவுகள், தமது முதல் வெற்றியை பதிவு செய்துள்ளது.