வர்த்தகக் குறைபாடு – ஏற்றுமதி வீழ்ச்சி... பிரான்சின் பொருளாதாரம் கேள்விக்குறி!

பிரான்ஸ், 2002ம் ஆண்டு முதல் இன்று வரை, பொருட்கள் தொடர்பான வர்த்தகச் செறிவைப் பெற்றதில்லை. தற்போது, 2025 மே மாதத்தில் வெளியிடப்பட்ட சுங்கத் துறையின் தரவுகளின்படி, வர்த்தகக் குறைபாடு மேலும் தீவிரமடைந்துள்ளது.

ஏற்றுமதி வீழ்ச்சி – அதிக பாதிப்பு!

2025 மே மாதத்தில், ஏற்றுமதிகள் 1 பில்லியன் யூரோ அளவில் வீழ்ச்சியடைந்துள்ளன, அதே நேரத்தில் இறக்குமதிகள் 600 மில்லியன் யூரோவாக குறைந்துள்ளன. இதனால், மாதச் சராசரியில் வர்த்தகக் குறைபாடு 7.6 பில்லியன் யூரோ என்ற உச்சநிலை அடைந்துள்ளது.

ஏப்ரல் மாதத்தில், குறைபாடு 7.4 இலிருந்து 7.2 பில்லியனாகச் சற்றே குறைந்திருந்தது, ஆனால் மே மாதத் தரவுகள் மீண்டும் அதனை அதிகரிக்கச் செய்துள்ளன.

முக்கியக் காரணிகள்:

தயாரிப்புப் பொருட்கள் ((produits manufacturés) தொடர்பான வர்த்தகச் சரிவு.

ஆற்றல் (energy) தொடர்பான குறைபாடு வலுவிழந்துள்ளது, ஏனெனில் இறக்குமதி வீழ்ச்சி ஏற்றுமதியைவிட அதிகமாக இருந்தது.

அமெரிக்காவுடன் வர்த்தக மோதலின் நடுவே வர்த்தக குறைபாடு.

பிரான்சின் 12 மாத மொத்த வர்த்தகக் குறைபாடு தற்போது 80 பில்லியன் யூரோ ஆக உயர்ந்துள்ளது. இது 2024இல் பதிவான 81 பில்லியனை ஒத்ததாகும்.

இந்த புள்ளிவிவரங்கள், ஐரோப்பிய ஒன்றியம் மற்றும் அமெரிக்காவுக்கிடையிலான வர்த்தக மோதலின் சூழலில் வெளிவருகின்றது. டொனால்ட் டிரம்ப், ஐரோப்பிய யூனியனின் டிஜிட்டல் வரிக்கு எதிராக, அமெரிக்க தொழில்நுட்ப நிறுவனங்களை பாதுகாப்பதற்காக 50சதவீத வரி சுமத்துவதாகக் காட்டமாக எச்சரித்துள்ளார்.

ஜூலை 1ஆம் திகதி செயல்படுத்தப்படும் என அறிவிக்கப்பட்டுள்ள இந்த வரிவிதிப்புகள் தொடர்பில், அமெரிக்க நிதியமைச்சர் ஸ்காட் பெசென்ட், 'உரையாடல்கள் நன்கு முன்னேறுகின்றன' எனத் தெரிவித்திருந்தாலும், இன்னும் உடன்பாடு எதுவும் ஏற்பட இல்லை.

2026 ஆண்டு நிதிநிலை தொடர்பாக, பிரான்சு அரசாங்கம் 40 பில்லியன் யூரோ நிதிச்சுமை குறைப்பு நடவடிக்கைகளைத் திட்டமிட்டுள்ளது. இந்த ஆண்டில் 5.4% மற்றும் 2026இல் 4.6% என்பதே நாட்டு உள்நாட்டு மொத்த உற்பத்தியில் (PIB) அரசக் கடனின் பங்கு எது என எதிர்பார்க்கப்படுகிறது.

இதற்கிடையில், வெற்று ஆண்டு "Année blanche" என்ற ஒரு விடயமே இல்லாத செலவுகளைக் தொடரும் திட்டம் பரிசீலிக்கப்பட்டு வருகிறது.

இது:

ஊதியங்கள், ஓய்வூதியங்கள், சமூக நல நிதிகள் மற்றும் வரி விகிதங்கள் ஆகியவற்றின் மாற்றமின்றிய தொடர்ச்சி.

பாதீட்டுக் கணக்கில் 5.7 முதல் 20 பில்லியன் யூரோ வரையான மிச்சம் ஏற்படலாம் என வல்லுநர்கள் கணிப்பு.

வணிகக் குறைபாடுகள், விகித வரிப்பிரச்சனைகள் மற்றும் புதிய நிதி திட்டங்களை முன்னெடுக்கும் அரசின் தேவை ஆகியவை, பிரான்சின் பொருளாதார நிலவரத்தில் பல்வேறு வகையான அழுத்தங்களை உருவாக்கியுள்ளன.