2025 தொலைபேசி மூலம் விற்பனை மற்றும் விளம்பரக் கட்டுப்பாட்டு சட்டம் – முக்கிய அம்சங்கள்

2025 ஜூன் 30 அன்று நிறைவேற்றப்பட்ட 'அரசு நிதி உதவிகளில் மோசடி எதிர்ப்பு' சட்டத்தின் ஒரு பகுதியாக, தொலைபேசி மற்றும் மின்னணு வழித்தடங்கள் மூலம் வாடிக்கையாளர்களை அணுகும் விற்பனை முறைகள் மீது புதிய கட்டுப்பாடுகள் விதிக்கப்பட்டுள்ளன.

நுகர்வோரின் முன் அனுமதி தேவையானது

2026 ஓகஸ்ட் முதல், அனைத்து துறைகளிலும் தொலைபேசி விற்பனை தடை செய்யப்படும், அதையும் தாண்டி நுகர்வோர் தங்களது தெளிவான, கட்டாயமற்ற, சிறப்பிக்கப்பட்ட அனுமதியை வழங்கியிருக்க வேண்டும். அந்த அனுமதி விலைப்பொருள் வாங்கும் போது, கடை மையங்களில் அல்லது இணையத் தளத்தில்  படிவங்களில் பெறப்படலாம். நிறுவனங்கள் அந்த அனுமதியை பெற்றதற்கான ஆதாரத்தையும் வழங்கக்கூடியதாக இருக்க வேண்டும்.

ஒரு நுகர்வோர் தொடரும் அழைப்பை விரும்பவில்லை என்று தெரிவித்தால், அந்த அழைப்பு உடனடியாக நிறுத்தப்படல் வேண்டும் மற்றும் மீண்டும் தொடர்பு கொள்ளக்கூடாது.

ஏற்கனவே உள்ள ஒப்பந்தம் தொடர்பான விற்பனை அனுமதிக்கப்படலாம்.

ஒரு நுகர்வோர் ஏற்கனவே ஒரு நிறுவனத்துடன் ஒப்பந்தத்தில் இருக்கும்போது, அந்த ஒப்பந்தம் தொடர்புடைய கூடுதல் சேவைகள் அல்லது தயாரிப்புகளை அறிமுகப்படுத்தும் நோக்கில் அந்த நபருடன் தொலைபேசி தொடர்பு கொள்ள அனுமதிக்கப்படுகிறது.

2025 ஜூலை 1 முதல் முழுமையாக தடை செய்யப்படும் துறைகள்

வீட்டில் சக்தி (மின் மற்றும் எரிவாயு) சிக்கன நடவடிக்கைகள், புதுப்பிக்கக்கூடிய சக்தி உற்பத்தி, வயதானவர்கள் மற்றும் மாற்றுத்திறனாளிகளுக்கான வீட்டு மாற்றம் உள்ளிட்ட துறைகளில் தொலைபேசி, மின்னஞ்சல், குறுஞ்செய்தி அல்லது சமூக ஊடக வழியாக விற்பனை முற்றிலும் தடை செய்யப்பட்டுள்ளது.

இது, அந்த துறைகளில் இடம்பெறும் நிதி உதவிகள் தொடர்பான மோசடிகளை தடுப்பதற்காக செய்யப்பட்டது. ஆனால் இந்த தடை ஏற்கனவே ஏற்பட்டிருக்கும் ஒப்பந்தங்களை பொருட்படுத்தாது.

தண்டனைகள் கடுமையாகும்

தொலைபேசி விற்பனையின் போது நுகர்வோரின் மனநிலை குறைபாட்டை தவறாக பயன்படுத்தும் நிறுவனங்களுக்கு எதிராக, கடுமையான நிதியியல் மற்றும் நிர்வாக நடவடிக்கைகள் எடுக்கப்படும். மேலும் விவரங்கள் அரசாணை மூலம் வெளியிடப்படும்.

தற்சமய நிலை

தற்போது நிறுவனங்களுக்கு அனுமதியின்றி தொலைபேசி மூலம் நுகர்வோரை தொடர்புகொள்வதில் தடையில்லை. ஆனால் நுகர்வோர் தங்களை இந்த அழைப்புகளிலிருந்து விலக்க Bloctel என்ற அரசு சேவையைப் பயன்படுத்தி தடை செய்ய முடியும்.