கடும் வெப்பத்தின் பின்னர் ஆலங்கட்டி மழை.. 18 மாவட்டங்களுக்கு எச்சரிக்கை!!

ஜுன் 11, இன்று புதன்கிழமை நாட்டின் தெற்கு மற்றும் தென் மேற்கு கரையோர மாவட்டங்களில் இடி மின்னல் தாக்குதல்களுடன் கூடிய மழை பெய்யும் என வானிலை ஆய்வு மையம் எச்சரித்துள்ளது.

நண்பகல் வரை மிக கடுமையான வெப்பமும் - அதன் பின்னர் மழையும் பதிவாகும் என எச்சரிக்கப்பட்டுள்ளது. அதிகபட்சமாக இன்று 36℃ வரை வெப்பம் பதிவாகும் என வானிலை ஆய்வு மையம் தெரிவிக்கிறது.

அதன் பின்னர்  Ariège, Aude, Charente, Charente-Maritime, Dordogne, Finistère, Haute-Garonne, Gers, Gironde, Landes, Loire-Atlanque, Lot-et-Garonne, Morbihan, Pyrénées-Atlantiques, Hautes-Pyrénées, Pyrénées-Orientales, Deux-Sèvres மற்றும் Vendée ஆகிய 18 மாவட்டங்களில் இடி மின்னல் தாக்குதல்களும், ஆலங்கட்டி மழையும் பதிவாகும் என எச்சரிக்கப்பட்டு குறித்த மாவட்டங்களுக்கு ‘மஞ்சள்’ நிற எச்சரிக்கையும் விடுக்கப்பட்டுள்ளது.

இதே போன்ற வானிலை இவ்வாரம் முழுவதும் தொடரும் எனவும் தெரிவிக்கப்பட்டுள்ளது.